سيدات الامارات بغيت طريقة عصيدة اليقطين لا هنتوا..
ان شاءالله اشوف الردود اللي تسر..
والسموحه..
الي يعرف يطرشلي على الخاص يالغاليات
اول مره اعرف عنها اختي
مادري بس انا كنت سايره بيت عمي و الشيوخ كانو مطرشيلهم..
طعمها كان رووووعه…
القرع العسلي (البرتقالي) ع قولة أخوانا المصريين
Pumpkin
وأنا بعد ذقتها مره واغرمت فيها
ياريت نشوف وصفه مجربه هني
عصيدة البوبر (اليقطين)
المقادير
خمس اكواب قرع اصفر
اربع اكواب ماء
ملعقه زعفران
سكر حسب الرغبه
نصف كوب سمن
كوب ونصف طحين ابيض
ملعقتان ماء ورد
ملعقة هيل مطحون
الطريقه:
نقشر القرع (اليقطين) ونقطعه
نطبخه الى ان ينضج
ثم نهرسه حتى يصير ناعم
نضيف الهيل والزعفران والسكر
وبعدها نضيف السمن وماء الورد
نكون قلينا الدقيق ونخلناه ثم نضيفه
ونقلب باستمرار حتى تمام التداخل
يغرف في حرارة ويمسح بالسمن ويقدم
الصور المرفقة
منقووول
مشكورة ام تامي يعطيج العافيه ع الوصفه
ولاهنتي اختي