مرحبا بنات..
عندي نداء لكل الامهات الخبيرات يفزعون علي..
أنا عندي ولد عمره سنتين و3 شهور والحمد لله ربي قدرني وعلمته يهد البامبرز بفتره النهار بعد معاناه طويله معاه..
وعلى فكره هو ولدي الوحيد يعني اهتمامي كله عليه..
بس سالفته أنه ولدي عزكم الله رافض يسويها (الخروج)غير بالبامبرز..
لدرجه أني عاندته وما لبسته بامبرز فصاده أمساك 4 أيام وعقبها تعقدت الحاله وصار عنده أمساك مزمن..
بس الحمد لله وديته لدكتور شاطر وبالالياف والدوى مشى حاله..
وللحين يتم ماسك نفسه لين ما ألبسه وعقبها يقول لي ((ماما.. عبادي حلص تعالي صابونه))...gif "12 (3)")
والله تنبط جبدي منه...gif "12 (93)")
جربت أجيب له النونيه بأشكال حلوه وما يدانيها بس يلعب فيها..
وجربت الغطا البلاستيك اللي يغطي المرحاض وانتو بكرامه وبعد ما سواها.. يقعد له ثانيه ويقول لي..
((حلصنا..)) أونه خلصنا...gif "12 (71)")
ساعدوني...gif "12 (78)")
لله يعينج الصراحه مشكله …
والله اليهال فهالعمر مشكلة..
أنا كنا اعاااااااني مع ولدي،، لين سنتين ونص وهو يلبس البامبرز،، ويسوي فعمره إذا ما لبسته..
وااايد متعبين..
وعلى فكرة،، البنات يتعلمون أسرع من الأولاد،، لان بنتي قبل السنتين تعلمت ماشااء الله عليهاا…
بس يباله اشوية وقت…
اصبري علية الغالية .. لانه بعده ماوصل لمرحلة انه يقدر يفهم فيها .. اتريي لين يكمل ال3 سنوات بيكون فاهم شوي .. بس الحمدالله انج عوديته انه مايلبس بامبرز فترة النهار ..
السالفة يبالها صبر بس
مشكورين الغاليات عالردود…
بس الله يهديهم أهل ريلي ماكلين ويهي…
وكله يتطنزون علي أونه أني أم فاشله…
وأنقهر لما يقولون..(( شو ها..؟؟!! هذا واحد وانتي مب رايمه تعلميه.. عيل لو عندج 7 شو سويتي..))
ادعوا لي الله يفرجها وياه..
المشاركة الأصلية كتبت بواسطة أم شموتي 
بس الله يهديهم أهل ريلي ماكلين ويهي…
وكله يتطنزون علي أونه أني أم فاشله…
وأنقهر لما يقولون..(( شو ها..؟؟!! هذا واحد وانتي مب رايمه تعلميه.. عيل لو عندج 7 شو سويتي..))
ادعوا لي الله يفرجها وياه..
اختي ماعليج من كلاااامهم…
أهم شي لاتضغطين على ولدج وااايد،، عسب ما يتعقد…
والله يعيينج..
الله يعينج