خواتى الكريمات اليوم كان عندى موعد فى المحكمة علشان النفقة وطليقى ماشاف ولده من سنة ونص ودوم الولد يسألنى عن ابووووووووه والولد الحين عمره 2ونص يعنى يفهم …..المهم لبست الولد وعصمته ولبسته وعطرته واول مادخلت المحكمة كنت خايفة من اللقاء كيف بيكووووووووون ؟؟؟؟
انتظرت
وانتظرت
وانتظرت
واخييييييييرا
ابووووه شرف
وقلبى يدق بسرعه خايفة
تتوقعون كيف كان اللقاء؟؟؟
يلس الاب على الكرسى وعطيت الولد لأخوى علشان يعطيه لأبووووووووه ..سار له اخوي وقاله يافلان هذا ولدك …الابو صد على الولد وقال اوكى اوكى شله شله وعطه لأمه والولد عينه على الأب وينتظر ابوه يشله وتم يطالع ابوووووه بنظرات مكسووورة حزينة والابو ماتأثر ابدا ولاهزه شئ . وطبعا كنت اشوف الموقف لانى كنت يالسه فى الخلف..رجع اخووووى ولدى وتم ولدى يالس على الكرسى ويطالع ابووووووه وفيه غبنه لحد مانام على الكرسى ورقبتة صغيرة حطها على حد الكرسى ونااااام ولسان حاله يقول سيسألك الله عنى يوم القيامه ياأبى يامن حرمتنى من عطفك وحنانك وغرتك الدنيا؟ ….ونش من النوم وشاف نفسه فى السيارة متلحف بغترته الى حب انه يشوف فيها ابووووووووووه ولكن لاحياة لمن تنادى ؟؟
والله يااخواتى انى يلست فى الزاويه وتميت ابكى من الظلم وقلت لك الله ياولدى لن ينساك….
الله يمهل ولايهمل
فديته الله يخليج له ويحفظه
لك الله ياولدى لن ينساك
خير ماقلتي هالكلام ,, والله يحفظه ويجعله من أفضل الرجال اللهم آمين
الله يعينج يا اختي
بصراحه اسمحيلي هالانسان ما فيه قلب ولا ذره احساس
عافانا الله
ربي يساعدج يارب فتربيته ويخليه ذخر لج
ربي يصبرج اختي ويعوضج بكل خير
فديت ولدج.. باجر ان شا الله تشوفينه دكتور آآآآآآآآآآآآآآآآآآآآآآآآآآآآآد الدنيا وينسيج كل همومها
الله يعينج حبيبتي شو بتسوين في واحد ابهات يتنكرون لعيالهم ويعقون المسؤليه على الام بس الله يجزيج خير والجنه تحت اقادم الامهات..والله يحفظه لج وتفرحين فيه ويكون من ختمة القرآن وصدقيني بيي اليوم اللي بيترجاه ابوه علشان يسامحه ولا يجلس وياه ثواني بس حبيبتي ربيه على حب ابوه وطاعته علشان ماينتقص عملج وعمله والله يجعل تربية هذا الولد في ميزان حسناتج ..
لا حول ولا قوة الا بالله…
أختــــي ربــــــج ما ينــــــــسى…