مرحبا خواتي ..
ممكن تفيدوني وين ممكن اطلع الوالد و الوالدة هذا الويكند ؟ احس خلقهم ضايق و خاطري اطلعهم مكان يغيرون جو فيه … في شو تنصحوني ؟ طبعا خذو بعين الاعتبار الحر و الرطوبة ..
شكرا ادري ما راح تقصرون …
اعزميهم على مطعم بس صح انتي من وييين عسب نقترح لك اماكن
مشكورة فديتج على الرد و اسفة لاني ما وضحت اني من ابوظبي ..
اعزميهم على عشاء او غدى في مطعم مزلاي يسوي اكل ترادشنل في قصر الامارات …
أولاً يزاج الله خير حبيبتي انج فكرتي تسعدين والدينج
شوفي حبيبتي
وديهم العين صوب المبزره خليهم يسيرون المسبح وايد حلو ومفيد
شي مسابح خاصة للرياييل ومسابح للحريم
وعقب مشيهم بالسياره ولفي بهم المكان
ولو حبيتوا اصعدوا جبل حفيت الجو رووووووووووعه فوق خاصة ع المغرب ونظييييييييف
وع العشا وديهم مطعم بوطافش اللي في البوادي مول
أكلهم روعه خاصة البحرية
وعقب إذا حبوا يدخلون السينما شليهم
شي سينما جراند في نفس المول
وإذا حبيتوا تباتون
شي فنادق حلوه تقدرين تحجزين عسب ما تردون نص الليل
هذا مقترحي المتواضع
وأتمنى لكم Happy weekend 
بالتوفيق ان شاء الله
المشاركة الأصلية كتبت بواسطة في قمة الرقة 
شكرا فديتج فكرة جميلة