طلب لتنفيذ الفكرة

عندي فكرة وابي حد ينفذها او يزيد عليها شوية بهارات ..
لاني توني مربية و مخي مقفل =(

ييه ببالي اسوي استبيان لزوجي "حسستكم بشي"!! خخخخخ

المهم.. اسوي استبيان واعرف انا كيف و بطريقة حلوة وبعيدا عن الزعل والهواش

ومن كل النواحي.. الطبخ والكشخة والترتيب و الاهتمام فيه و طاعته و معاملتي له …..الخ

ومن خلاله سنعمل على تحسين جودتنا لننال رضى بو وزار و فانيله "مع انه من سابع المستحيلاات"

ادري حسستكم انكم بمستشفى بشركة بلقاء تلفزيوني حسوا باللي بتحسونه =)
المهم تقولون لي شرايكم تنفع ولا تفشل ؟؟

بس هاا اذا طبقتيها وريلج قال لج والله ماتعرفين تطبخين ولا ماتعرفين تكشخين مب تقومين تزعلين و تدعين علي وعلى فكرتي الجهنمية هههه

شحالج عساج طيبه والحمدالله على سلامتج ويتربى ف عزكم المولود ..

بقولج رايي في فكرتج وانتي على راحتج

انا ما ايدج تسوين هالشي تعرفين ليش لانج تبينين ضعفج له يعني انتي سوي اللي عليج من دون ماتقوليله ها شو رايك فيني وكيف الطبخ وكيف البيت والعيال ..!!

لازم تخلينه هو اييج ويقولج يزاج الله خير وماقصرتي على اللي سويتيه ..بعطيج مثال

لو تقولين لريلج دوم قولي احبج يلا قول..!!!

هو اكيد بيقول لج لكن يوم تي من عنده من دون ماتجبرينه على هالشي يكون شعورها غير صح والا ..!!

انتي بهذي طريقة تفتحين عينه على اشياء يمكن يكون مو منتبه الها بس انتي نبهتيه

وبتحسسينه انج في مدرسة لازم يكون كل شي بيرفكت وما في اي تقصير

الحياة مشاركة اخذ وعطا

وصدقيني لو قالج انتي مقصره في هذا شي بتضايقين وااايد وهذا شي طبيعي وبتفتحين على عمرج بيبان انتي في غنى عنها

وصدقيني لو هو يشوف تقصير بيتكلم لو ما تكلم بيلمحلج على الاقل