السلام عليكم..
حبيت افيدكم يا بنوتات ويا متزوجات بسر الخلطة الصابونية اللي تخليج تلقين لق من البياض واللمعان واللي توحد لون جسمج طبعا هالخلطة شفت بالمنتدى وحدة من العضوات تبيعها بعشر دنانير اما انا اعطيكم ياها ببلااااااااش بس اللي ابيه منكم الدعااااااااااء انه الله يحققلي اللي فبالي.
طبعا هالخلطة بحذافيرها مع اضافات رهيييييبة لبياض وترطيب اكثر يدوم طوييييييييييييييييييييلا
جهزوا ورقة وقلم:
الطلبات:
1-صابونة غار
2-صابونة كركم
3-صابونة بابايا فروتي 4in1
4-صابونة الجلسرين او اي نوع من الجلسرين
5-بطل كامل ماي ورد
6-ملعقة كركم جسم
7-ملعقة ملح خشن
8-ملعقة نشا
9-كبسولات فيتامين e
10-فكس علبة صغيرة
11-جلسوليد علبه كاملة
طريقة عمل الخلطة
تبشرين كل الصابونات بالمبشرة مالت الخضار بس يستحسن تخصصين مبشرة خاصة للصابون وتخلينهم على طرف بعدين تحطين ماي الورد بجدر على النار مع ملعقة الكركم وملعقة ملح خشن لين ما تسخن شوي وتضيفين الصابون المبشور كله وتخلطينهم على النار لين يتماسك الخليط وتسكرين النار ،بعدين تنطرين لين يبرد الخليط شوي وتحطينه داخل طاسه وتضيفين له علبه الفكس والجلسوليد والنشا وتفرغين الكبسولات بالخليط وتضربينهم بالمضرب الكهربائي وتحطين الخلطة الصابونية بعلبه بلاستيك كبيرة وتغطينها عدل ومتى ما بغيتي تتسبحين فركي نفسج بالخلطة الصابونية وخليها 4 دقايق عليج وغسليها بالماي وبعدها حطي اي زيت مرطب ويستحسن زيت اللوز او الخروع انا عن نفسي احط خلطة بعد كل حمام تبيض وتنعم وتوحد لون جسمي عبارة عن علبه فكس وعلبة فازلين وعلبة جلسوليد وزيت لوز مر وزيت خروع واضربهم بالمضرب الكهربائي وادهن جسمي بعد كل حمام بعدها والله يا بنات ماراح تشتكون من سواد بعض الاماكن وراح تشوفون شلون البياض والنعومة طبعا عن تجربة خاص بس اهم شي المداومة والاستمرار ولا تنسوني بدعواتكم
يزاج الله خير 
وومنكم نستفيد
شكرا حبيبااتي
للرفع
ويزاج الله خير
مشكووره ^__^