شخباركم حبوبات؟ عساكم مرتاحين ^^
عسولات.. بس حبيت أعرف كم شي عندكم من تجربة الله يخليكم ^^
إذا عندج شي متعطل مثلا مشكلة ف الارتباط بشخص معين او غيرها
يعني كل شي جاهز.. بس فيه شي معين مانع هالشي
فبغيت أعرف من التجارب
شو اللي سويتوه لتسهيل الأمور؟
يعني سورة معينة.. أو أدعية معينة
أنا عارفة القرآن كله فيه بركة
بس شي سور معينة يقولون إنها تيسير للأمور
بخبركم انا شو اسوي كل يوم
و انتوا خبروني بعد اللي عندكم ^^
أقرا سورة البقرة كل يوم + أذكار الصباح و المساء + الاستغفار و التسبيح و التهليل بشكل مستمر
طبعا الصلاة و الدعاء المطول ف السجود للشي اللي ابغيه
امممم.. الصدقة كل يوم أتصدق.. حتى لو بدرهم
قيام الليل.. و الدعاء + سورة يس مع الدعاء
خبروني شو بعد تسوون.. أو شو سويتوا و حسيتوا الأمور تيسرت
و بعد عندي سؤال..
لو مثلا.. الموضوع متعسر و استخرت
يقولون إنه إذا كان هالشخص نصيبج بتتيسر الأمور
فهل هذا معناته لو حاليا متعسر
بيتيسر عقب الاستخارة إذا هالشخص نصيبي؟
يمكن أفكاري شوي مخربطة
بس الموضوع شاغل بالي وايد وايد وايد ^^
للرفع ^ ^
ربي يسهل و ييسر أموورج
السلام عليكم ورحمة الله وبركاته
الاستغفار قبل الشي وبعدها تدعين جربي وان شاء الله الامور تتيسر
تهوين الامر يعنى كل ما هديتى وقلتى ان شاء الله خير وتترمسين بايجابيه يعنى تقولين بتنحل وكله على الله وان شاء الله خير يعنى من هذه الكلمات الحلوه الى ترفع النفسيه اكثر .
واعرفى لو خير لج ربي ما بيضيعه عليج الغاليه
موفقه فى حياتج
((يقول الله عز وجل: من ذكرني في نفسه ذكرته في نفسي، ومن ذكرني في ملأ ذكرته في ملأ خير منه، ومن تقرب إلي شبراً تقربت منه ذراعاً، ومن تقرب مني ذراعاً تقربت منه باعاً، ومن أتاني يمشي أتيته هرولة))
وانتي ماشاء الله عليج بأعمالج الخيره متقربه لرب العالمين .. اسأل الله ان يقضي حاجتك ويسعد قلبك ويكرمك في الدارين ..
ولا تنسين الصلاه على النبي .. والدعاء ( اللهم ان كان رزقي في السماء فأنزله وان كان في الارض فأخرجه وان كان بعيده فقربه وان كان قريبا فيسره وان كان قليلا فكثره وان كان كثيرا فباركلي فيه يارب العالمين )
ويصراحه لفتني في ردودج طيبتج واحترامج لذاتج وللغير .. وعلى نياتكم ترزقون حبيبتي..
اللهم يا ميسر ويا معسر يسر لها كل امر عسير .. وما مؤجل ويا معجل ..عجل لها حاجتها انك على كل شي قدير .
اللهم صل وسلم وبارك على سيدنا محمد وعلى اله وصحبه اجمعين
الدعاء في الثلث الاخير من الليل وربي يسهل امورج
رفع لعيونج