المقادير :
دجاجه مقطعه الى 8 قطع من دون جلد متبله بالملح و الفلفل الاسود
2 بصل متوسط الحجم مقطعه جوانح
4 فصوص ثوم مدقوقه مع ملعقة زنجبيل طازج
3 طماطم مقشره و مفرومه
كوب حليب جوز الهند
فلفل حار حسب الرغبه
ورق غار طازج
ملعقة ملح
فلفل اسود مطحون حسب الرغبه
2 ملعقة مسحوق الكاري
3 ملعقه زيت نباتي
الطريقه :
(1) تجيبين القدر الي بتطبخين فيه و تحطين فيه الزيت و تحمرين قطع الدجاج مجرد تحمير بسيط لا تقلينه
(2) تشلين الدجاج و تحطين البصل مع الثوم و الزنجبيل و تشوحينه على النار لين ما يصير لون البصل ذهبي تحطين الملح و الفلفل الاسود و مسحوق الكاري و تحركين لمدة دقيقه .
(3) صبي حليب جوز الهند و حطي الدجاج و الطماطم و ورق الغار و الفلفل الحار وقلبي شوي
غطيه و خليه على نار هاديه لين ما يذوب الطماطم و ينضج الدجاج .
* ملاحظه :
ممكن تزيدين كمية الحليب من كوبين الى ثلاثه على حسب الكميه المطلوبه.
كذلك بالامكان تغيير الدجاج بالربيان او سمك الكنعد .
و ممكن تقدمينه مع الخبز او مع الرز .
يم يم يم الطبخه يت في وقتهايسلمو الايادي
مشاء الله شرح وافى يسلمو حبيبتى
واااااااااااااااو يسلمو
مشكورين حبيباتي علي التشجيع
حسبي الله ﻻ اله اﻻ هو عليه توكلت وهو رب العرش العظيم ♡
الله يوفقج يارب