السلام عليكم ورحمة الله وبركآآآته 
. .
حبيت اسالكم بنات انا محنيه شعري حنا الفرد السوده صارلي سنه وشويه
وابا اصبغ بعد شهرين
بعد ما اربي واطلع من الاربعين ابا اسوي نيو لووك كااارهه نففسي =.=
حد جرب وصبغ ؟
افيدوووني بلييييييييييييييييييييييييز 
ع حد ما أعرف ما يصير تصبغين ع حنا الفرد 
خيبه انزين لين متى -________-
انا سمعت انه عادي بعد فتره
وسمعت انه فيه صبغه بدون امونيا بعد ماتضر
بس ماعرف قلت بشوووف البنات اللي اهنيه يمكن استفيد
والله ماعرف بصراحه انا خاطري بحنا سودا واخاف عقب اتندم ابا اصبغ احب التغيير ,,
من خلال تجربتي الخاصه وتجربه بنات كثير سمعت عنهم من الصالونات نفسها اصبغي عادي شعرك الي طلع جديد بيبقى واي شعره فيها حنا بتطيح وبتتقطع يعني شعرك بيفصل شوفي كم طال لو الى الرقبه افهمي ان الشعر الي بيبقى بعد الصبغه الى الرقبه اتمنى تكوني فهمتي قصدي او ممكن انتي شعرك يتحمل فايش رايك انتي تجربي على خصله صغيره من تحت مو باينه ويكون فيها حنا وتشوفي وبلغينا النتايج
الغاليه انا سويت حنا الفرد وكنت ما خذتنه من المنتدى و عقب اكثر من سنه قلت بصبغ شعري و بغير "نيو لوك "هههه
يوم سرت الصالون خبرت الحرمه و قلت لها اني مسويه الحنا و جي قالت باخذ خصله صغيره و بجرب لانه ممكن شعرج يخترب و يتكسر… و فعلا في خصلات بعدها ويوم حطت الصبغ الخصله استوت حاره و قالت ما بصبغ لانه بعده و خطر على الشعر .. بعد فتره تميت اقص الشعر القديم لين ما طول الجديد و اتأكدت انه الحنا طلعت كامل و صبغت والحمد لله ما اتأثر الشعر. السموحه طولت عليكم..
بالتوفيق