هلا بالغاليات …
بخبركم عن صابون روعه روعه عن تجربه اسمه ( صابون غار حلب ) بزيت الزيتون وزيت الغار الطبيعي
مغلف بورق أصفر مثل مال الهدايا وعليه شريطه من القش موجود في الجمعيات
يخلي الجسم ناعم وايد والريحه فرش روعه أهم شيء أنه طبيعي ما فيه كيماويات مثل باجى الصابون ويستخدم بعد للشعر ضد التساقط ويعطيه لمعان ويمنع تقصفه بس ما جربته لشعري
يالله بنات جربوه وخبروني بالنتايج لانكم اذا جربتوه بتودرون باجي الصوابين
في حفظ الرحمان ….
كلامج صحيح الغاليه هالصابون أنا ماستغنى عنه صار لي سنه وأنا أستخدمه وتمام التمام واااااااااايد نفعني وماأتوقع أني أغير عنه وهو أتيج تقريبا 4 صابونات ويه بعض..بس ماجد جربته لشعري شكلي بجربه وبوقلج بانتيجته على الشعر كيف
هو نفسه اختي مال المغرب الطاووس والا غير ممكن الصوره
ممكن الصوره
بنااااااااااااات حتى الصابونات إللي من ( خان الصابون ) كلها طبيعية و ريحتهن واااااايد حلوة
الصراحة اختي استخدمت صابون الغار من عند واحد سوري اسمه ابو فراس و صابونة غير عن كل صوابين الغار الباقية و بدون مبالغة لأنها جربت كم صابون غار بس ما نفعها و بتشوفون محله في القرية العالمية في القرية السورية واستخدمو زيت زيتون من عنده لأنه الصراحة فنان و زيت زيتونه يستخدمونة للشعر و الجسم و الاكل عادى 3 في واحد هههههه و ان شاء الله البنات يفيدونج اكثر
أنا أستخدم مالت حبة السويدا زيت الزيتون والعسل وايد حلوه تجنن
وأستخدم صابونه بالمرميه وصابونه الشاي الأخضر من عند خان الصابةن جنااااااان تحسين عمرج نظيفه حتى حق ويهي أستخدمهن