السلام عليكم .,
خواااتي
شو السبب الي يخلي الانسان يرمس برووحه يعني يرمس بروووحه كأنه حد عداله وحد عنده وياخذ رايهم ويصرخ ويتشاور ويأخذ ويعطي كأنه حد عداله بس هو بروووحه وبصووت مب مسموع يعني مابينه وبين نفسه
هل هو يعني :
مرض نفسي..؟
او انه وحداني.؟
او انه عنده مشاكل في حياته لكنه كاتم هالشي من جيه ماعنده غير هالوسيله
بليززز ابا تفاااعل
وابا رااي كل وحده
واذا وحده تعرضت هالشي او تعرف حد يتعرض لهالشي كيف تعالج وكيف حياته حاليا ..؟
عااااادي كانك تفكر بشي بس بصوت عالي بس انك تنفعل وايد ماتحصل بس تكلم عمرك عادي مثل تحضير الدرس ههههه
لكن هالشي زياده عن اللزوم اختي ..
يعني الي يشوفه يقول انه كانه مينون ..يرمس بروحه بهالطريقه ..وبشكل يومي ودايم
يمكن مرض نفسي
ما اتوقع انسان طبيعي يسوي جي
يمكن في شي بآله ووده يبوح لكن مآيعرف لمن ؟
يمكن انسآن يعاني من فرآغ سواء عاطفي او غيره
واخيرآ لازم حد ييلس ويتافهم ويآه شو السبب
والله شوفي اختي كنت في يوم معزومه يلسه بنات
تفاجئت اخت ربيعتي طبيبه وحلوه وعمرها ايامها كان 30 سنه لسه ماعرست المهم رغم احنا كنا شي ممم 20 بنت
تفاجئت اشوف اختها يالسه بروحها ع جنب وتتكلم عمرها
وربيعتي الثانيه انتبهت بعد بس ربيعتي ماسكتت سارت لعند ربيعتنا اللي هي اخت الطبيبه اللي كانت يالسه ترمس عمرها وكانما في شخص جدامها سالتها شو سالفه اختج يالسه تكلم روحها
قالت عادي هذا طبعها مااندري ليش وحتى تقول انها تسمع اصووات ومدري شوو وقالت والله اختي مب ناقصها عاقله وشاطره ومثقفه بس ليش جي تكلم عمرها مااندري
المهم بصراحه انا مااعرف احس اللي يرمس عمره وسط النااس اكيد في شي هب صااحي بس يكون يالس بروحه اعتقد شي عاادي يفضفض بس لاغير
والعلم عندالله
هممم
هو اولا في ناس يرمسون بروحهم بس ينعرف يعني انه طبيعي
بس اللي اتقولين عنه ماادري والله احس انه اووفر شووي ؟؟
همم احسن حل ودي عند طبيب نفساني عسب يتعالج اذا فيه شيء ^_^ وبالمرة بتتطمنين ع الشخص اكثر وبتعرفين كيف تتعامليه وياه وكيف اتحلينه بعد يمكن ^(_^