السلام عليكم
مرحبا حبوبات
بنات الريال الي يضرب حرمته شو الحل معه
قالوا لا تعاندوا …بس تحسين نفسج مثل العنز المجروره وما لها راي يعني لين متى الوحده بتسكت
قالوا امدحيه ….حتى المدح ولا فيه فايدة يصتلح يومين وترد حليمه لعادتها القديمة
انزين شو الحل يعني الحرمة تخبر عليه اهلها …
تربطه بالليل وتمسك عصى وتخبطه لين يتأدب
ولا تمسك ايده وتكسرهن على شان ترتاح شهرين من الضرب…..وبعد الشهرين يقوم عليها ويكسر ايدها وريولها ويوديها المقبرة
اف اف اف
والله الواحد ما يعرف شو يسوي
يالله يا حبوبات اذا وحده ريلها كان يضربها ولقت لها طريقة تخليه يريحها من الضرب
تسدح لنا التجربه وتخلي الكل يستفيد
حبوبه ضرب الريال لحرمته امر ما ينسكت عنه لازم الوحده اتخبر اهلها عشان يوقفونه عند حده ولا يكررها مرة ثانيه
مب متأكدة من اللي لازم اقوله لج، بس الله يعينج وييسر امورج
برايي (راي شخصي ممكن يكون غلط)
1- ابدي معاه بالهداوة والتفاهم والنقاش، وذكريه بان الرسول صلى الله عليه وسلم استوصى بالنساء خيرا .. واذا عنده ملاحظة عليج يقولها بالتفاهم وبدون ضرب وانتي مستعدة تسوين اللي تقدرين عليه بما يرضي الله
2- ان ما نفع دخلي احد من اهلج فالسالفة (حد عاقل وثقة) خليه يفهمه انج مب بروحج ولج سند ومايرضون عليج بالاهانة
ان شفتي عليه رغبة بالتغيير اصبري واحتسبي الأجر.. وعطيه فرصة واثنين وأكثر
3- وان شفتيه معند ومصر يهينج ويمد ايده (خاصة لو كان الضرب مبرح)، لا تسكتين واشتكي عليه عند الجهات المسؤولة .. في رياييل ما ايوون الا جي!
ان ما احترمج بالطيب بيحترمج بتعهد !!!
وفـ كل الحالات شوفي شو اللي يخليه يعصب، لو شي منج حاولي تعدليه وتصلحين من نفسج
امتصي غضبه مثل مايقولون …. وانشالله بالتفاهم يصير الوضع احسن >.<
وأول شي عليج بالدعاء أختي لإن من كتابتج انتي تحبينه وتبغينه ^^
بس أكيد الي يسويه لا يرضي الدين ولا العبد ..
فأول شي حاولي غاليتي تثقفينه عن الدين ووصايا الرسول عليه الصلاة والسلام
ومافيها شي ان خبرتي أهلج
ترى بعد انتي انسانـة وتستحقين الإحترام والتقدير ..
ومثل ماقالت الأخت بينتوو ان ما نفع
ترى في شرطـة بتتعامل معاه وبياخذون منه تعهد
لكن أهم شي أختي لا تسكتين للضرب
أحين الحيوانات إذا ضربتيهم يحاكمونج مابالج الإنسان ..
والله يصلح أموركم
الله يخلي المحكمه
يخسي اللي يمد ايده
ممكن تتتكتمين على اي شي إلا الضرب اذا ماوصلتيه لاهلج بس وصليه للمحاكم !
اذا خبرت عليه بتكبر السالفة وبتوصل لطلاق
ما في حل ثاني يعني يكون بين الحرمة والريال مندون طرف ثالث