بسم الله الرحمن الرحيم
السلام عليكم ورحمة الله وبركاته
بنات بغيت اعرف شو تستعملون لتشقق القدم … الكعب يعني في الصالونات شو يستعملون ( للبدي كير ) وشو نوع الموس الي يشلون فيه الجلد الميت وشو الكريم الي بحطونه قبل التقشير ؟؟؟ الي تعرف لا تبخل علينا دوم اسحت بالسحات مال الكعب بس يرجع اليوم الي بعده نفس الحال يتشقق مزعج بشكل خاصه اذا جست الفراش ارف شو الحل؟؟؟؟؟؟؟؟؟؟؟
للرفع
حطي فازلين ولبسي دلاغ…. باليل …..
مع فازلين الخطير مافييييييييييش مستحيل
هلا الغاليه
في اكثرم ن طريقه تقدرين اتسوين في البيت حطي ريولج في ماي حاره وخلي فيها صابون علشان يترطب او حتى عقب الشوور تسوين ها الحركه ..
استخدمي اللي ينظف الريول وابتعدي عن الموس لانه مابيفيدج الا بيزيد التشقق وبيخله يكثر …
استخدمي الحصاه او الاسفتحه اللي تيج ملونه وتنباع في الكارفور حق الريول ونظفيها عدل
وعقب خذي اللي تسحت الريل ايكون لها وجهين ما اعرف اسمه اول شي استخدمي الطرف الخسن وافركيها على الريل وعقب استدخدمي الطرف ناعم حتى يسوي صنفره وينعم ريلج .. اهني يوم بتسوين ها الحركه حلي ريلج مافيها ماي وايد وتمي اسحتيها بتشوفين بلاوي تطلع منها مثل اللي يطلع من الحمام المغربي ههههههههه خلي فوده تحت واتني تسوين ها الحركه
واخر شي استخدمي تقشير على الريل واحلى انواع بتحصلين عن بوتس
كل الانواع وعندهم حلوه
وراوئح اتجننن
وعقب ما تخلصين حطي كريم على ريلج واللبسي دلاغ
والسموحه على الشرح الطويل
واذا بغيتي اي شي تراني حاظره
انا بخبرج تجربتي بصراحه وااايد ارتحت من الصالونات ومواعيدها ومريح من حط الطش والصابون وووو
اول شي اشتريت الاداه مثل العصا من( بودي شوب) النوع الخشب
استخدمه قبل الاستحمام وما اغسل الرجل اخليه ناشف وادعك الرجل بقوه مثل ما تسويلج الفلبينيه في الصالون وبتشوفين مثل الغبار يطلع واكمل لين ما اشوف كل التشققات خفت اريح الرجل الاولى واستلم الثانيه وبعدين اريحها وارد لللاولى اذا تعبت اكمل باليوم الثاني
بعد الاستحمام ادهن الرجل بأي كريم مرطب والبس دلاغات
بصراحه ما تظهر التشققات احيانا اذا اهملت الرجل وما احط الكريم لفتره طويله
كرري استخدام الاداه كل ماتشوفين انج احتجتيه
مافي شي يقاوم الفازلين وموفقة