مرحبا الغاليات
احنا وايد نحب دعاية التيلفزيون وتغرينا عشان نشتري منهم…
ونحصل هدايا من الاهل والاصدقاء بعد …
لكن هل نستخدمها كلها والا نخليها بالمستودع!!!!!!
شو رايكم ..صح والا…فكل وحدة تكتب شو الادوات الكهربائية اللي بصراحة تستفيد منها كثيرا وشو اللي ما استفادت منها وجلستها عقب ما استعملتها مدة قصيرة..
انا الشي الوحيد اللي ما استغني عنها خلاطة المولينكس..وخلاط الكيك فقط لا غير
اما اللي مليت منه مثل عصارة الفواكة قطعها كثيرة وتاخذ وقت للتنظيف , وقلاية البطاطا وايد اتخسرنا سمن استخدمتهم فقط لفترة قصيرة
آمل ان الموضوع يعجبكم وتشاركون فيه
حلو موضوعج
وان شالله نستفيد من الردود
ومشكورررره
هلا الغالية …
انا من النوع اللي وايد يستخدم الأدوات الكهربائية … وعادي في نفس الوقت استخدم نوعين …
الخلاطة … الفرامة … مكينة العصاير … الميكرويف … مكينة التوست … الشواية … العصارة اللتي تسوي عصير البرتقال … هاه اللي في بالي حاليا من الاشيا اللي احب استخدمها دوووم …
والاشيا اللي ما احب استخدمها وايد …
مكينة الخفق على قولتهم .. مكينة الكبتشينو … الفرن الكهربائي ، هاه ولا مرة استخدمته … أحس وايد اشيا بس هاه اللي في بالي احينا …
ربي يعطيج العافية عزيزتي …
المشاركة الأصلية كتبت بواسطة huda3213 
وان شالله نستفيد من الردود
ومشكورررره
العفو الغالية نورتي الصفحة
المشاركة الأصلية كتبت بواسطة أميرة بوظبي انا من النوع اللي وايد يستخدم الأدوات الكهربائية … وعادي في نفس الوقت استخدم نوعين …
الخلاطة … الفرامة … مكينة العصاير … الميكرويف … مكينة التوست … الشواية … العصارة اللتي تسوي عصير البرتقال … هاه اللي في بالي حاليا من الاشيا اللي احب استخدمها دوووم …
والاشيا اللي ما احب استخدمها وايد …
مكينة الخفق على قولتهم .. مكينة الكبتشينو … الفرن الكهربائي ، هاه ولا مرة استخدمته … أحس وايد اشيا بس هاه اللي في بالي احينا …
ربي يعطيج العافية عزيزتي …
مشكورة اختي على ردج ومشاركتج لموضوعي وصح ذكرتيني بالمكريوف والفرن الكهربائي اللي ما استغني عنهم
انا ندمت يوم اشتريت ماكينة الكوي على البخار حجمة كبير ويبيله خلق ليين ما اتطلعينه وادخلينه
الكواية العادية تغنيني عن كل هذي الحوسة
والعصارة بلا معنى محطوطه مثل ما هي
غلاية الماي واايد استفيد منه في البيت والسفر
والتوستر الكبس استخدمه واايد اسوي سندويتشات حق ولدي الصبح يعيبه التوست
ونصيحة انا عندي الغاز والفرن كهربائي واايد امريحني في الطبخ والتنظيف واامن على الاطفال لانه ما في غاز ولا نار وما يبالي دووم اطلب غاز لانه بالكهرباء
والغسالة الاوتوماتيك التنشيف 100% ما يبيله تنشيف على الحبل لانه يطلع ناشف بالمرة وحااار واايد امريحني
والمكنسة الكهربائية الصغيرة بالجارج يغنيني عن المخمة
والله يوفقكم انشاءالله
غلاية الماي اعتبرها افضل اختراع تصخن الماي بسرعه اذا تبين تسوين اي مشروب ساخن ….والفاكيوم الصغيرة
اللي ما اعرف كيف كنت عايشه من دونها سريعه في التنظيف اذا توصخ شيء بسرعه اشغلها واشفطه وتنظفينها على
طول وتشتغل بالشحن وبعدين تستخدمينها …