ماعرف شو احطله الافضل
يليت تعلمني كيف تبدلن لعيااكن
احس ماعرف شي
مرحبا اختي
الله يسلمج احسن شي تستخدمين كريم و انا عن نفسي استخدم سودو كريم واااااايد ارتحت له طبي و ماله ريحة و طبعا استخدمه بعد ما اخلص المنطقة زين اذا بس بول الله يعزج بس اغسله بالماي و اذا كان البراز لازم اغسله بالصابون بس مو اي صابون لازم يكون من نوعية ممتازة و طبي و بعد الغسيل نشفي المنطقو عدل و بعدين حطي كريم كالطبقة رقيقة و بس
لا تستخدمين بودرة فالمنطقة الحساسة استخدمي البودرة حق الجسم بس مو وايد ولا تستخدمين كل مرة
اتمني اكون ساعدتج
أنا شرات الأخت أمل استخدم سودو كريم.. وما احط بودرة لني قريت انها مب زينة..
ولا تحاتين انا شراتج أول بيبي وكنت اخاف وماعرف شي وللحين احس ماعرف بس شوي شوي بتعرفين كل شي..
تسلمن خواتي
هو عمره شهر
كيف كل مره اغسله بصابون
انا اغسله بماي بعض المرات
وبعض المرات بالمناديل
لاتغسلينه دوم بالمناديل خلي المناديل حق وقت الطلعه والاماكن اللي ماتقدرين تغسلين فيها الياهل افضل شي الماء طهور وصابون يكون طبيعي او طبي مافيه مواد عطريه لانها اتسبب جفاف للمنطقه والمناديل فيها نوعيه معينه من العطور يقولون انها خاصه بالمناطق الحساسه للطفل بس والله ماتعرفين فالمستقبل شو المشاكل اللي اتسببها هاي المناديل ترى كل شي فالبدايه مايعرفون شو مضاره عقب كم سنه يكتشفون انه هالمواد الله يبعد الشر عنا كلها مسرطنه حتى لو كانت ماركات مثل جونسون وغيره ادخلي محرك البحث وسوي سيرش بتشوفين العجب وكل شي من الطبيعه دايما افضل
وبالتوفيق
كل ياهل حسب بشرته انا بناتي فيهم اكزيما كثرة الصابون يسبب جفاف .. استخدم سودو كريم عقب الغسيل وفالليل ارش بودرة سيبامد عسب اتم المنطقة ناااشفة طوول الليل لان بنتي واايد اتجيسها فطريات والدكتورة اقترحتلي هالطريقة