السلام عليكم ورحمة الله وبركاتة
هلا اخواتي… عساكن بخير
والله عندي موضوع حابة انكن تساعدني فية…
باختصار انا مخطوبة وخطيبي كان وايد زين وياي اتصالاتة مايوقفن بس من مدة فجأة تغير علي اتصالاتة قلن اهتمامة بدأ يقل …بس مسجاتة ماقلن الشغل ماخذ كل وقتة……………..
برايكن شووه الحل أحجرة لين يحس ول شوووه ؟؟؟؟
ومشكورات اخواتي[/FONT]:22 (5):
الغاليه انصج تصبرين عليه
وماتتصلين له
كم يسوى بعد يوم هو يطرش مسجات لج ..
تعوذي من الشيطان الغاليه ..
أهم شي عزيزتي أخلاقه وتفاهمه معاج
معظم الرياييل ما يهتمون وايد بالاتصالات والمسجات وهالسواللف إلا في البداية لأنه الحرمة تكون يديدة بس لما يتعودون خلاص،، واتعرفين البنت رومانسية واتحب انه ريلها او خطيبها يبدي اهتمامه فيها ،، وشعورج هذا طبيعي ،،
بس إذا هو طيب وأخلاقه زينه تعوذي من ابليس ،، وحاولي اتبيين له إذا كلمتيه انج مثلا اشتقتي لاتصاله وحاولي اتيبينها له بطريقة حلوة اتبيين له انه اتصالاته مهمة عندج ،، والله يوفقكم ان شالله ويسعدكم 
البنت قبل الزواج احلامها كبيرة في الحياة الزوجية والرومانسية وهالسوالف،، الريال لما يتزوج ما يعرف هالأمور وايد بحاجة لمن يحركه وحتى لو تحرك شوي وبيرجع نفس ما كان ،، هالأامور ما تهم الريال وايد بقدر ما تهم البنت عشان جي يصيبها الإحباط فلا تخلين هالشعور يتغلب عليج
الغالية
كم صار لج مخطوبة
يمكن طولتوا في المدة
أو انكم تطولون في مكالماتكم
يا حبيبتي لا تحجرينه، وتمي اتصلي عادي
وبيني له انج ولهتي عليه وعلى اتصالاته
والساعة اللي تعدي بدون ما تسمعين صوته جأنها سنة
ولا تطويلين في المكالمة
بس سلام وتطمينين على حاله وبندي على طول
واثقلي الثقل زين
وبتشوفينه يتصل بج ويدور عليج
وبالتوفيق الغاليه
لا تخلين الشيطان يلعب بافكارج … ترى الدنيا جيه لازم شويه لج وشويه للشغله وشوي بعد لربعه … هاي هي الددنيا و تراج بكبرين في عينة الذا تفهمتي … و صدقيني بيحبج …. اكثر … انا مجربتنها …
السلام عليكم ورحمة الله وبركاتة
مشكورات خواتي طمنتوني …الله يطمنكن
وتسلمن يالغاليات