مرحبا خواتية الغاليات . . بسالكن , , أنا في مرحلة اختيار الحمامات لبيتي اليديد ان شاءاالله . . فهل أختارهن كلهن ديزاين واحد ولا كل حمام غير موديله , , لأني مرة قريت عن هالفكرة في ميلس العمر اعتقد الجزء 6 فكرة ( اختيار موديل واحد لكل الحمامات )
ف شو رأيكن ؟ أرجوكن ردن علي ..
لا طبعا انصحج كل حمام غير عن الثاني ,, لاتظلمين البيت ههههههه
انا من راي سوي كل حمام غير ولون وديزاين غير
لانه اذا بتسوين كل الحمامات بتظلمين عيالج اكيد عندج الاولاد والبنات
يعني تبين تسوين حمامات البنات نفس لون الاولاد
لا ما انصح
ياربي لاخلا ولاعدم إن شاءاالله , , فديتكن ماقصرتن
بعد أبغي اسمع ردوووود زيادة , , , لأنه واااااايد من ربيعاتي يقوللي هاي هيه الموضة !!!!!
وهي توحيد الحمامات كلها في نفس البيت . . ياترى صح ولا غلط ؟؟؟؟؟
انا بعد اقولج لا كل حمام غير عن الثاني
هذا كله يعتمد على الذوق الخاص… يعني ما في قاعده بهالخصوص. احنا في بيتنا كل حمام و له استايله الخاص و لونه الخاص… و كل حمام يعكس شخصية صاحبه… على هالأساس اخترنا الحمامات.. يعني في حمام طفولي… و في كلاسيك… و في فخم…منوعين…
انتي شوفي عمرج شو الفكره اللي تبينها في كل حمام… و كل حجره شو بتكون و منو بسكن فيها… هالشي بيساعدج..
الديزاين الواحد حلو لأنه يريحج من الصدعه.. احنا دخنا ليما خلصنا حمامتنا… عذااااااااااااب…
و بعدين حطي في بالج كذا موديل… لأنج ممكن تختارين موديل و بعدين يطلع ما عندهم في المخزن… فاختاري كذا واحد… علشان ما تتعبين إذا طلع مب موجود…
مشكوووووورات فديتكن يعلني ماخلا منكن
بعدني بعد بجوف باقي الردووووود