اخواتي ان شاء الله مايكون موضوعي ثقيل عليكم…
بس انا وايد منقهره من الامهات المواطناتالي ما يشاركن عيالهن في الانشطه المدرسيه….طيب ليش؟؟؟؟؟؟؟؟؟؟؟؟ تصدقون !!! يعني كل ربع ولدي المواطنين العام والسنه مايشاركون في اي مناسبه او حدث اسويه المدرسه!!!!! لا وفيه بعض البنات المواطنات مع المربيات مو الاهل!!!!!طيب ليشششششششششششش!!!!!!! والله مقهوره… حرام هذا الي انسويه في عيالنا يعني يوم تتذكر البنت المناسبه تتذكر الخدامه معاها!!!!!
وماشاء الله ع الوافدين والاجانب دايمن مع عيالهم ويشجعونهم؟؟؟ وماشاء الله على شخصياتهم جرئين والواحد تقول اكبر عن سنه؟؟؟ بس عيالنا اذا قلتله اشحالك ارتبك……
الفعاليات المدرسيه وايد الها دور فعال في تنميه المهارات الحياتيه للطلاب… وتحبب الولد في المدرسه….
ياريت لو شوي ني على نفسنا وراحتنا علشان خاطر هاليهال ترى صدقوني مافيه ولد مايحب يشارك بس الاهل اهم مايشجعونه….
واخيرا فيه صديقه اجنبيه تقولي " انا بسجل بنتي في النشاط واخليها اجرب وبعدين اهي تقرر تكمل ولا لا!!!!" والله ياريت انسوي مثلها
ليش ما فيه اي رد؟؟؟؟ الموضوع وايد ثقيل عليكن؟؟؟؟؟؟؟؟؟؟
السلام عليكم
الغاليه كلامج صحيح
وانا معاج في هالموضوع
وحتى اذا تبين تعرفين تاثير وجود الام او الاب شوفي ولدج يوم يكون مشارك في نشاط في الاذاعة او الرياضه عينه
تكون عليج بين فتره والثانيه .
وترى طفولتهم المفروض نحن نستمتع معاهم فيها لان الايام تجري
وباجر عيالج بيكبرون
ممكن من كثر ما الايام تجري بسرعه مايكون عندج رصيد من الذكريات " الحسيه"" القلبيه"
. بتكون فيه صور تذكاريه بس من دون مشاعر
مشكوره اختي ام الطيبين على مشاركتج….. انا اتمنى لو الامهات يدركن باهميه الموضوع… بس الضاهر انه مو الكل مقدر!!!!!!
الله يجعلج من اسمج نصيب يارب….
طيب انا عندي عيال واحد في الصف الثالث والبنت في الصف الثاني
خبريني اشلون اشركهم عيالي من النوع المستحيين مره وماعندهم الجراة وانا احاول اني اخليهم يكونو جريئين بس ماشي فايده
دليني علميني انا اتريا منج رد
وماشاء الله ع الوافدين والاجانب دايمن مع عيالهم ويشجعونهم؟؟؟ وماشاء الله على شخصياتهم جرئين والواحد تقول اكبر عن سنه؟؟؟ بس عيالنا اذا قلتله اشحالك ارتبك……
الغاليه العيب مب من الاهل العيب في المدرسه ، وعيال الجانب جريئين لأن معلمينهم هم يشجعونهم ويبرزون شخصياتهم ويعطونهم مجال انهم يتكلمون ويعبرون عن ارائهم وافكارهم بعيد عن السخريه منهم.. كيف تبغين عيالنا يتعلمون الجرأه .. والمعلمين في المدراس ينادونهم بالحمير والأغبياء ؟؟؟!
الغاليه نجمة السهر… مشكوره لتجاوبج… بالنسبه كيف تشركينهم!!! شوفي شوه الانشطه الي تشويها المدرسه حاولي تكلمين المدرسات شوه عيالج يحبون الرسم ولا اشياء ثانيه مثل الرياضه؟؟؟ دايمن كوني متواجده معاهم… بس للاسف ترا المدرس احكوميه ما تركز وايد على الانشطه!!! حاولي تتواصلين اكثر مع المدرسات حتى لو تدفعين مبالغ رمزيه للاشتراك ليش لا…..
العزيزه ثامبلينا…. الله يعطيج العافيه….الغاليه انا معاج انه المدرسه الها دور بس الدور الاكبر للاهل… اول شي بعلم الياهل انه ما يرضى يخلي احد يكلمه باسلوب مب اوكيه حتى لو كان المعلم….. بعلمه يحتج بس بأدب ….وبعدين الاهل لازم ما يهينون عيالهم فالياهل بيستنكر اسلوب المعلم … بس اذا في البيت اهينه واقوله ما ترضى تخلي المدرس يهينك ما سوينا شي الولد بيتناقض….واختي كوني اكيده انه تواجد الاهل مع العيال في المدرسه يخلي المعلم يعامله باسلوب افضل عن الطالب الي ماحد يسال عنه.. هذا من تجربتي …. الاجانب احلى مافيهم ينزلون لمستو عيالهم ويشاركونهم حياهم.. ونحن دايمن مشغولين عن اعيالنا….