حابه اطرح موضوع
وهو باين من عنوانه
مثلا اذا انتي كنتي بمدرسه .. ويايبه معاج جحال ..
ومعروف ان الجحال الخفيف عآدي اما تحددين عيونج لا ممنوع واصلا بتاخذين اثم لما تحددين عيونج ..
وتيلج المشرفه اتفتشج وتلاقي عندج جحال وتشله ..
او مثـلا كنتي لابسه شيله مخالفه ..
يالتلج ابله وجافت االشيله وشلت شيلتج وعطتج شيله ساده او طرت شيلتج. ! ..
يعني مثلا وحده من زميلاتي كانت لابسه خاتم ويت ابلتنا وشلت عنها الخاتم واليوم الثاني انجوفها
لابسه الخاتم نفسه ولابسه اكسسوارات البنات تغايضهن اونة تقول : هالاكسسوارات الي تيبوونها المدرسه انا لابستنهم .. وتم تلعب بالاكسسوارات اونة تبا تقهرنا ..
انا اجوفه تصرف غلط لأنه اول شي هذا يعتبر ممتلكات البنات وغير راضيات ان اغراضهن تنشل او تنباع ..
والشي الصح بنظري هو ان الاداره تشل عنهم الاكسسوارات توديه بغرفه وبنهاية الدوام تعطيهن للبنات ..
* شرايكم بهالتصرف ..؟
* وهل يعتبر انه حرام عليهم والله بيحاسبهن لأن الاغراض يستخدمونها واحيانا يبيعونها ..!
انا وحده مخلصه الثانوية ومب من هالنوع من البنات هذا الموضوع للنقاش لا اكثر ..!
وللمعلومة اتذكر ع أيام الامتحانات بالثنوية في ابله تشل كيس وتمر عند كل وحده تجوف اشكبر راسها وشو الي بويهها وتفتش ع الاظافر ههههه مع اني يالسه اول وحده والله دايما تقلي انا مابفتشج لأني واثقه منج وانج ماتخالفين حتى ماتطولين اظافرج .. واختي كانت في صفي تفتشها وبنت عموتي بس انا يوم ايي دوري اتطوف ههههه حليلي لوول
انا اشوف ان احسن حركتها حلوة تقهرهم انها لابستنهم هي اكيد قصدها ان تقهرهم مب شي ثاني … يعني لو شلوهم وردوهم اخرا لدوام عادي باجر بيكررون الحركة وبييبون الاغراض بعد مرة اما لو شلوهم عنهم خلاص بيتأدبون مرة الياية ما بييبون شي وياهم بيخافون يشلونة منهم ^_^
أولاً .. المدرسة منشأة حق شو ؟ .. حق التزين و التعديل أو الدراسة ؟ .. أيامنا ما كنا نعرف لا كحال ولا شيل ولا اكسسوارات ولا شي .. الزي المدرسي و الحجاب الأبيض وكتبنا وبس ..
إنهم ياخذون الأغراض عقاباً للبنت تصرف صحيح عسب المرة الياية تلتزم بأنها في ساحة للعلم موب ساحة للمرح .. وبعد كم يوم لما يشوفون إنها التزمت يرجعون لها الأغراض و تتعهد المرة الياية ما تعيدها .. بس يستخدمون أغراض البنت موب حلوة في نظري .
حبيبتي من وجهة نظري لازم تنشل الاغراض….
انا معلمة واشوف هالشي لازم يستوي لان البنات الله يهديهن ع كثر ما ننصحهن بس ماشي فايدة
عن نفسي انا اشل الاغراض عن البنات بس استدعي ولي امرهن واعطيهم اياهن مع تنبيهي لهم انهم ينتبهون لبناتهم ويشوفونهن شو يشلن من الاغراض المدرسة…
اذا البنت كررت الغلط اصادر الاغراض واعطي المديرة مسؤولية التصرف
البنات الحين مااااااااااااينفع معاهم شي شليتي الاغراض والا هددتي ماينفع
والله يحسسوني رايحين عرس مش مدرسه ليش كل هل سوالف الله يعين وبعدين هاي الابله تصرفها صحيح لان البنات ما يلتزمون بقوانين المدرسه
البناات الحينه مب نفس البناات من 10 سنين
والمدرسه للدرااسه فديتج
وبنااتي ايين منقهراات اونه المدرسه شلت اغرااضنااااا ..اقولهن تستاااهلن وزود ^_^
جيييه ساايراات حفله !!!!!
الله يهدي بناتنااا ياارب