السلام عليكم ..
موضوعي الله يسلمكم يمكن احد منكم يقول سخيف لكن اللي تعيش هالموقف صدقوني ماراح تقول سخيف الموضوع هو ان بنت خالتي اصغر مني وتنخطب اكثر من مره وليتهم يسكتون يتكلمون و يستعرضون ويتدلعون قدامنا يعني شوفوا ان بنتنا تنخطب بس حنا مانبي واناا كبر منها بحياتي انخطبت انا ماقول كذا حسد لها لابلعكس اتمنالها الخير بس شي يحز بالخاطر بصراحه انا وش ناقصني عنها ,,,,
دعوووووواتكم لي بلحلال,,,
وعسى ان تكرهوا شيئا وهو خير لكم ..
اختي ها كله نصيب والله كاتب لكل وحده وواحد متى يكون نصيبه..
وان شاء الله الله يرزقج ويرزقني بالزوج والذريه الصالحه 
الغاليه لازم تيقينين ان الخيره في ما اختاره الله….يمكن الزوج الصالح لج موجود…بس الموضوع يباله صبر…ويمكن لو ياج الحين خطاب…كنت وافقتي على واحد فيهم وما يكون زين….الغاليه الموضوع مو موضوع هي ايونها وانتي ماياج …الموضوع ان يكون زوج صالح لج يسعدج وريحج…والله يالغاليه انا اعرف وايد بنات عرسوا وهن صغار…وسولهن عرس ما صار ولا استوى…بس تعالي شوفي شو صار فيهن(اللهم لا شماته)…بس انا قصدي تاخذي العبره من مشاكلهن…لان الحياة الزوجية صعبة …ولازم تكونين قدها…وبعدين يمكن تكون بنت خالتج جذابه…بس يسوون هالسوالف عسب يوررونكم ان بنتهم مرغوبه….بس اذا هم صادجين …الله يهنيها…بس انتي ترفعي عن كلامهن… وخليج في نفسج…واذا فيج قصور عدليه…يعني مثلا اذا مو كشخة اكشخي…
الله يسهلج ولد الحلال الي يكون لج زوج في الدنيا والاخره …اللهم امين
أكثري من الدعاء والإستغفار ومن النوافل والصدقه وأبشري
منان وبهلوله جزاكم الله خير..
بهلوله والله كلامك ريحيني الله يريحك دنيا واخره وبنت خالتي هذي مافيها زود عني الا انها اللهم انحف مني بس ولاالشكل الوجه والله ماتزود عني,,
ماعليج الغاليه الزواج مب كل شيء اهم شيء صحتج
وشو يعني تنخطب وانتي لا احس بس كلام ولو صدق تنخطب وهو فرحانين ليش ما استوى شيء
ولاتطورت السالفه ولو حتى كان صدق البنت ماتحكم على نفسها بعدد خطابها
ترى اغلب الحلوات ما ينخطبون بسرعه وما تعرس بسرعه
هالدنيا واهم شيء تتمنين لهم الخير وتدعين ربج دوم
حبيبتي عليج بالاستغفار استغفري استغفري
حبيبتي كل واحد و نصيبه
يوم تقولين ليش هي تنخطب و انا لا..و هي ما فيها زود عني كانج استغفر الله العظيم تعاتبين الله سبحانه و تعالى
ان شاء الله بيرزقج بالاحسن