صدقيني بي هاليوم…وكل وحدة كانت محرومة الله بيرزقها..أنا مكملة من زواجي7سنوات والحمدلله.. ومسقطة 6مرات..بخبرج عن تجربتي….
أنا عن نفسي ما حملت بسرعة..وعقب سنتين من زواجي.. سرت شيكت والحمدلله ما كان فيني شي..وسبحان الله الله كتب لي الحمل بنفس الشهر .. من غير أدوية أو علاج.. لكن ما كان من نصيبي.. وبعدها كل 9شهور كنت أحمل وأسقط ما خليت شي ما يربته..سويت كل الفحوصات.. والعلاج بالأدوية الشعبية.. والرقية بالقرآن.. والحجامة.. والمساح.. كل علاج يخطر عالبال سويته عشان إذا حملت يثبت حملي..حتى أدوية وإبر تثبيت.. لكن مهب رزقي بعده.. ومع هذا إيماني كان قوي .. وما تزعزعت ثقتي بنفسي.. وإيماني بأن الله بيرزقني فيوم من الأيام..حتى آخر حمل كان لي الأسبوع الماضي وسقطت والحمدلله….
يالغالية كل شي نصيب وما في شي بيدينا.. غير الصبر..وعدم الحزن..وإن الله فيوم من الأيام بيرزقنا.. وكله فعلم الغيب..إحن بشر..صج إنها صعبة لكن هذا اختبار لإيماننا..والله يجازينا على هالصبر..
حاولي تغيري من نفسيتج..ترا النفسية وايد مهمة عشان هرمونات الجسم..اطلعي .. فرفشي.. وما عليج من رمسة الناس أهم شي ريلج وشريك حياتج..
وعسى يا رب يرزق كل محرومة..بس مثلما قلتلج أهم شي النفسية والإيمان بأن الله هو الرزاق(أنا عند ظن عبدي بي)(وإن شكرتم لأزيدنكم)..
صج صعبة إنج تنسين..بس حاولي إنج تشغلين نفسج..مثلا تسوين ريجيم..وتخططين وتهتمين لهالشي بس..
وصدقيني ما بتمر فترة وإلا بتلقين نفسج حامل.. حتى أنا والله وأعوذ بالله من كلمة أنا الكل يحسدني على الابتسامة اللي ما تفارق ويهي..وعالتفاؤل اللي ما يفارقني..
والله كريم إن شاء الله
الله يرزقنآ ويرزق جميــع المحرومآت ..
يزآج الله خير اختي ..
أنا أضم صوتي لصوتك وأقول أن هذا اليوم سيأتي انشااللة أنا عن نفسي متزوجة من 9 سنوات وكل شي فعلتة من مستشفى وحجامة ومسح وعلاج بالقران وعمرة وكل شي ولكني عندي أمل كبير أنا اللة سيرزقني في يوم من الايام مع العلم أني فيني الدورة اليوم تعبت يوم شفتة بس بعدين قلت عادي الشهر الياي انشااللة ما بتيني وارتاح وايد يوم ؟أقرا قصص المنتدى وان في وايد حريم نفسي بس اللة رحيم وبيزقنا
المشاركة الأصلية كتبت بواسطة أيام وتعدي 
الله يعطيج على قد صبرج إن شاء الله..بس بنصج بالآتي بهالفترة:
1- التوكل على الله دايما وإن هو الرزاق..
2- وأي شي بتستخدميه خليه بنية الحمل.
3- شربي سوائل ساخنة بالذات الميرمية(عند العطار بتحصلين)لأن تنظم هرموناتج.
4- المشي بعد الدورة والاكثار من أكل البرتقال..
5- بعد الانتهاء من الدورة الجلوس فحمام دافي(ملح وماي)
6- مسح مكان الدورة وتطهيره بالمسك..
وإن شاءالله ما بتلقين نفسج شهر أو شهرين إلا وإنتي حامل..
أنا عن نفسي مول ما استخدمت أي علاج دوم كنت أحمل طبيعي بفضل الله سبحانه وتعالى..وبفضل اهتمامي بنفسي وقت الدورة .. والحمدلله على كل حال.. وربنا يرزق كل محرومة يا رب
هيه ولله بي يووم وبنحمل أن شالله
الله يرزقكم يااااااااااااااااااااااااااااااااااااااااارب
الله يرزقكم ويفرح قلوبكم يارب والله دوم ادعي لكم خواتي المحرومات