خواتي الغاليات
السلام عليكم ورحمة الله وبركاته
يارت تساعدوني .. باجر بروح سوق التنين إن شاء الله .. وبصراحه ابغيكم تساعدوني لاني سمعت انه كبير وما يكفي يوم كامل
أنا ناوية اسير اشتري شنط .. ياريت لو تفيدوني من أي باب قسم الشنط ..لانه سمعت انه فيه أبواب واايد وما فيني الف وعقب اتعب وما اكمل
ياريت لو دلوني على المحلات اللى تبيع شنط راقية وحلوة واسعاره مناسبة .. ولا تنسون دلوني على الباب
تعالي من ورا المركز و شوفي الارقام مكتوب عدالها شو موجود
اذا تبين الشنط دخلي من باب الملابس
ولا يومين يسده كبير فوق ما ت تخيلين و الله بس حلو
يزاج الله خير الغاليه
يبوج عندي ثنين من عيالي وما في اتعلوز معاهم .. عسب جيه ابغي اختصر الوقت والجهد
تسلمين الغلا
ما أنصحج تروحيله على كثر ما حشرونه عليه سرناله و طلع ما يسوى شي ابدا
شمسه اكيد ما عرفتي وين تسيرين فيه و الله فيه اشيا خبااااااااااااااااااااااااااااااااااال و الله ارمس عن تجربه مب عن رمسة الناس
بس يباله تسيرين اماكن معينه مب اي مكان
مشكورين خواتي
فيه اللى يمدح وفي اللى يذم .. بس الغالبية يمدحون
وسبحان الله وجهات نظر
هلاااااا أم خالد
مثل ما قالتلج الأخت سحايب سيري من وراء وكل باب
مكتوب فيه مثل بابaA حق الادوات القرطاسية مثلاً
بس اللي عيبني فيه الأثاث والديكورات رووووووعه خبااااال
والله قلت إن شاء بأثث بيتي مناك وأسعاره حلوه وااااايد
أنا تخبلت عالسراميك أشكال رووووعه والديكورات وأوراق الجدران
روووووووووعه فيها لمعه الليزر
وعندهم أشياء حلوة وأسعارهم أحلى