خواتي زوجي انسحب لعالم ثاني وأنا خايفة من علاقاته
اقول له لا تجامعني أخاف من الأمراض لكنه يحلف أنه ما عنده علاقات
والله العظيم زوجي ما يهتم لعواطفي ولا احاسيسي
وجه مبتسم وكلام معسول عشان يوصل للعلاقة الخاصه
غير كذا ما اسمع الكلام الحلو ولا سوالف
تخيلن لو جلس معانا يمسك تلفونه واتساب وكذا أو تلفزيون أو نوم
من الساعة 10 وهو في البيت دايركت عالفراش ينام
ومن يقوم الصبح يحوم ويحوم ما يرجع
ولو رجع انشغل بجهازه
ويوم أقول له أجلس معي كلمني واسمعني لو خمس دقائق باليوم
نفسيتي تتعب ما اعرف شو أخباره ما اعرف خططه
من يشوفني بس يفكر بالعلاقة ،، طبعا شي جميل
لكن بسبب الجفا وقلة الحوار وعدم الاهتمام أعطيه حقه كواجب
لأنه في قلبي كلام أباه يسمعه
طول هالسنين زوجي ينتقد دفاشتي وأنا بديت اتغير لكن لاحظت أنه من شاف اني حسنت من تصرفاتي ابتعد عني وبدأ يختلقي معاي مشاكل قبل كان هادي وأنا اللي أعصب
حطوا نفسكم مكاني زوجج يعرفج للعلاقة الخاصة ما يهتم لمشاعرج ما ينصت لسوالفج حاولتي تتغيري بس ماشي تشجيع وكل ما خططتي لوناسه معاه فركشها
اكبت واكبت وأتكلم وأوضح مطالبي لكن لا حياة لمن تنادي!!!
ما أبا أطلق لكن أفكر اني اهجر زوجي
يعني احرمه من حقه الشرعي وما احتك فيه نهائيا
اعرف انه الملائكة تلعن الزوجة اللي تهجر فراش زوجها. لكن كيف اادبه وعلمه أنه لي حقوق
أبا اجرب هالخطه اشوف هل بحصل على نتيجه??
أبا أقول له انت ما بتتعدل غير لو اهجرك لأني خايفه من علاقاتك وأبا حقوقي
لو تعدل خير وبركه
لو عاند وانسحب وما اهتم هنا عاد كرامتي معاه بتكون وصلت لمرحلة الطلاق ,,
يغلق الموضوع
الحين يوجد قسم خالص بالمشاكل