الدورة المفروض موعدها تاريخ 8 من هالشهر
سويت تحاليل الدم والبول للبارحة ما فيه اي شئ!!!!!!!!!!!!
الحمد لله والشكر يا رب على كل حال
رحت البارح للدكتورة:
قالت لي
سمك الرحم 15 سم!! من رمستها والله اعلم معناته
يا متهيأ للزيادة بسبب حمل متأخر
او عندي هرمونات مثل هرمون الحليب او الغدة اهو السبب بها التأخير
عطتني دوفيستون:اشربه مرة باليوم، تقول لو حمل باذن الله بيثبت ولو مش حمل هذي دورة
وانا مستغرية ان هذي اول مرة تسوي فيني جذه!!!!!!!!!!
دورتي منتظمة جدا
وما كنت اعاني من شئ
وانا راضية باي شئ من عند رب العالمين
اذا حمل اكيد فرح وايد
واذا مش حمل اللهم لك الحمد والشكر
المهم تتوضح الصورة..
فمنو مثلي قالولها ان الرحم سميك!!!
وهل صدق اذا الرحم سميــــــــــــــك معناته حمل!!
انشالله تكونين حامل الله يرزقج
الله يسمع منج ان شاء الله
الله يرزقج يارب ويكون حمل الغاليه ^^
الله يرزقج بالذريه الصالحه وإن شاء الله حامل ……بشرينا
انا لما عرفت اني حااامل
قالت لي الدكتوره شكل الرحم عندج متهيأ لحمل وبالفعل سويت فحص وطلعت حاامل …
وقبلها بشهر كنت راايحه عندها وكنت شاكه لان الدوره تأخرت يوم وعرفت على طول من غير تحليل قالت لي الاكيد انه مش حمل وسويت الفحص وما طلعت حااامل …
عااااد انا سألت دكتوره ثانيه اذا هالشي صح ان السمك يدل ع الحمل قالت تختلف الحاله وطبعااا الدكاااتتره يفهمون هالشي
فان شاء الله انتي حاااامل اختي
اخت ريلي قبل العمره كانت تبا تاخذ حبوب توقف الدورة يوم صورتها الدكتورة قالتلها بطانة الرحم عندج وايد سميكه يعني بتيج الدورة .. هي مب معرسه
اذا سويتي فحص دم وطلعت النتيجه سالبه اغلب الظن مافي حمل
يمكن انتي توج عروس وتستوي عن العروس لخبطه
ولكن ما اقولج مافي أمل لا في أمل يكون حمل متأخر
الله يرزقج بحمل قريب ان شاء الله