السلام عليكم و الرحمه أخواتي
موضوعي اني الصراحه بنت عيازه بشكل فظيع وما فيني أرتب غرفتيه …. ودايما شكلها فوضى لو ترتبت يصير عيد في البيت و أنا موب منظمة نفسي ولا جدوليه حتى في الدراسه دراستيه تكون فجر حتى لو امتحانات نهايه السنه حتى أني أروح الامتحانات و أنا موب مخلصه الكتاب أو موب دارسه و السنه اليايه عنديه ثانويه عامه و خايفه يأثر هالنظام عليه .. ودايما أهلي ينصحوني رتبي جدولج .. بس ماأسمع الكلام
ومن هناك أنا طفشت من الفووضى و من التعب أريد أغير اسلوبي بس ما أعرف كيف
ممكن المساعده؟؟
شئ حلووو
شكرا غناتي على المعلومه …
بس محد داز ليه ويه في البيت هههههههههههههههه
طبعا لأاني الاصغر و دايما مهمله الصراحه هم يفرحون يوم أخلص من وقت حتى ما يصدقون
و الله من يومين زوجت أخويه قالت لي أنها تفاجئت حجرتيه نظيفه و الله انحرجت هههههههه
مشكله أني ألتزم لمده أسبوع و بعدين أرد لعادت الاهمال
الله يعينج على هذا الشعور بس تعرفين قسمي حجرتج وكل يوم رتبي شي عشان ماتملين والباقي انتي عارفه كم يحتاح ويوم بتخلصين بيتحسين انج خفيفه وبتمين على طول ترتبين اغراضج لأنه مابتتخيلين نفسج تردين على حالة الفوضى والهيازه مرة ثانية جربي شوفي شو بتحسين وخبرينا …. يلا ابتدي من الحين اول شي فتحي الكبت وعقي كل اللي ماتبينه ورتبي الباقي ونفس الشي التسريحة وانتي سايرة ومابتحسين بالوقت إلا وانتي مخلصه …..
الله يعيينج الغاليه، حاولي قدر ما تقدرين تنظمين رقادج قبل اي شي لانج اذا رقدتي كفايه بتقدرين تركيزين وتنظمين نفسج ، مثلا في المدرسة جدولج يبدا من الصبح تروحين الدوام المدرسي بعدها ترجعين تتغدين ترقدين لج ساعه جيه ، بعدها تقومين تراجعين دروسج وتخلصين واجباتج وها الشي يعتمد شكثر عندج من واجبات يعني ساعتين او 3 على حسب، بعدها تقعدين ويا الاهل شوي تسولفين وياهم اذا عندج اي شغل تقدرين تقضينه بعد المغرب لين العشا مثلا ، بعدها تتعشين وتتطالعين التلفزيون ساعه او ساعتين وتحطين رااااااااسج عقبها وترقدين 
..ها يوم عادي رتبته لج بس في الويك اند طبعا يختلف ، زيارات وطلعات وسهر شوي ، وان شاء الله اكون فدتج، واسمحيلي ع الاطالة
لا تراكمين الواجبات ومثل ما يقول المثل لا تؤجل عمل اليوم الي الغد
حاولي يكون عندج احد وانتي ترتبين يساعدج او يسولف معاج تخلصين بسرعه
الله يعينج الغاليه…بس مثل ما قالن لج خواااااااااتي حاولي تنظمين وقتج ونفسج في جدول…
والله ان شاء الله بيساعدج تصبرين على هالشعور…
اشكركن على الرد … و الله بحاول من ألحين بيلس أرتب بدال الملل اللي أحس فيه .. مشكلتيه بسرعه أخرب من دون ما أحس