مسا الخير خواتي … ابى نصيحتكم ، بنتي كملت شهرين ، اليوم وديتها عند دكتور أطفال في الشارجه ، لو سامعين عن الدكتور محمد حجازي ، لأنها ما ترقد و وأيد تصيح ، المهم سوولها تحليل دم ، قال ان دمها نازل 9 و و صفها لها دواء الحديد لمة شهر ، و فيتامين د لمدة 6 شهور . محتاره ما أعرف أعطيها الدوا ولا لا ، بليييز افيدوني و خبروني رأيكم
الله يشفيها يارب
وان شالله البنات يفيدونك
انصحج تودين عند دكتور احمد حسن طب اطفال صدقني صدقني بتدعيلي
وايد وايد زيين في دبي عند صيدلية علياء
اختي انا كان الهيمو جلوبين مالي 10 بعد اسبوعين صار 14
في شي كنت آخذه طبيعي ومناسب للأطفال حتى وهم أجناء ببطن امهم
وانصحج فيه واااايد زين
وشي رباني لا كيماوي ولا شي
اذا حابة تعرفين اكثر راسليني ع الخاص
ما عندي فكرة
للرفع
المشاركة الأصلية كتبت بواسطة تيك توك 
في شي كنت آخذه طبيعي ومناسب للأطفال حتى وهم أجناء ببطن امهم
وانصحج فيه واااايد زين
وشي رباني لا كيماوي ولا شي
اذا حابة تعرفين اكثر راسليني ع الخاص
أخواتي ليش الحين اي وحده اتقول نص الكلام وبعدين اتقول اذا تبين الحل راسليني ع الخاص ..
انا اشوف الاخت كانت تسأل عن العلاج >> يعني ما اتوقع انه الموضوع فيه شي يخجل او ما ينكتب بالمنتدى عشان اتقولين لها اتراسلك ع الخاص ..
يعني لو كتبيتي الحل هنيه اي أحد من المنتدى او من خارجه راح يستفيدون …
…………….
بالنسبه لصاحبة الموضوع انا اذكر ولدي لما كان صغير الدكتوره وصف له فيتامين ( د ) لكن هو كان من يشربه يرجعه وتركته احيانا اعطيه واحيانا لا …
وانتي اتعرفين انه الحين نادرا نطلع الاطفال في الشمس سواء للغبار او ما عندنا وقت او مالنا خلق انقوم الصبح وانطلعهم من الشمس او او او …
الله يشافيها ويعافيها ..