خواتي الكريمات ،، لو سمحتن
اباكن تساعدنّي في اسماء الصوالين الي بدبي واقدر اسوي فيها حمامات مغربية [ باقي شهرللعرس ] ،، بالذات في بردبي ،،
ياريت ياخواتي،،
الله يجزيها الخير ،، ويوفقها ويحقق لها امانيها يارب ساعدوني
استفسار :
هل الحمامات المغربية تسلخ الجلد ؟
وهل بتخوز عني اثار الحنا ؟
لانه احس الجلد مثل الي انحرق من الصبغات ،، وعلم في الجلد مثل الاثار الي تنتج عن الحروق ،،
أعرف صالون وايد راقي على شارع جميرا … الغاليه نسيت إسمه بس هو حذال بنك الإتحاد الوطني يعني قبل ماركاتو …
ماركاتو بيكون على اليسار طبعا و هو على اليمين بس مب امجابلنه لا قبله….
أتمنى إنج إتسيرين و اتجربين ….
أووووه ما رديت على أسئلتج سامحيني …
لا حبيبتي ما تسلخ اليلد بس اتنظفه ووو اتخوز عنج اليلد الميت … بس إذا إنتي من النوع اللي اتعلم وصي الحرمه وقوليلها اتخف إيدها عليج … و عن الحنا فديتج إستخدمي ميبووو وايد يمدحونه للآثار و خاصه الحرق …
و الله يوفقج
صدقتي انا سمعت من حرمة اخوي انه زين للأثار بس اول مرة يا اختي بحياتي كلها يعلم فيني الحنا جذيه مدري ليش ؟
لو سمحتي ممكن اسم الصالون ؟؟ ارجوج
والله لو أعرف إسمه بخبرج بس سيري باجر بس عشارع جميرااا و شوفيه ما يضيع .. هو على شارع جميرا الرئيسي ….
حسبي الله عليهن اللي يزيدن دوا الحنا في الحنا و يحرقن بنات النـــــــــــــــاس… أونه حنانا يصبغ و من هنـــاك شوفي شو يسون ….
الله يعينج يا الغاليه … ما إتشوفين شر إن شاء الله .. إنتي داومي على الميبو و ربج بيعافيج إن شاء الله ….
عزيزتي في صالون اسمه (ناتورالينا)
ثققققققققققققققه مليون بالمية أعرف صاحبته حرمة خايفة الله
بس هو فديرة ورا مستشفى ويلكير وكم مره شفت عرايس يسيرون عندهم….
وأحلى ما فيه الهدووووووووووووووووووووووووووء
اذا بغيتي رقمهم و وصف للصالون خبريني بحط لج المخطط
اختج
الخرشة
مرحبا الغالية .. صالون مورا في جميرا وااااااايد يمدحونه بس ما دري اذا عندهم حمام مغربي أو لا أتوقع انه عندهم .. و أعتقد اللي تطريه الأخت فافي هو زودياك بس مب متأكده منه بشوفلج اياه ..
و الله يوفقج ^^