حبيباتي عندي سؤال عن ( هيفاء صفر )
شو نوع المكياج اللي تستخدمه و خاصة الشدو …..؟؟؟
انا سمعت قبل انها تستخدم كريولان و بس . اللي عنده اي معلومه ياليت يفيدنا …..!!
و بالنسبه للاستبيان …:
اول شي انا مااقول اني خبيرة تجميل بس انا عندي الخبره و الحمدلله و بعد العيد
ان شاء الله راح ابدا بهالتجاره و ربنا يوفقنا ان شاء الله
انا حاليا امكيج اهلي و اهل ريلي …..و الحمد لله مرتاحين من مكياجي
المهم عشان ما نطلع برع الموضوع
الاستبيان المطلوب :
صور المكياج لخبيرات التجميل بالمنتدى ….
طبعا الوحده ما تضمن تروح لاي خبيرة بدون ما تشوف المكياج صح ؟
انتوا شو تفضلون :
1. تكون صورة الميك اب لانسانه بالطبيعه ؟؟
أو
2. عادي تكتفون بصورة عين فيها ( ميك اب ) مرسومه عاليد ؟؟
#############
و في حالة لا يوجد مع هالخبيرة انسانه ترضى تسوي الها ميك اب عشان تعرضه في المنتديات و طبعا العارضات غاليين …………
برأيكم شو الحل ؟؟؟؟؟؟؟؟
3. و هل تقبلين تروحين لخبيرة تجميل بس تسوي مكياج بدون شعر ؟؟
يعني بالاصح هل تجارتها تمشي بميك اب بدون التسريحه ؟؟
مافي حد رد
شكلهم عيزوا من خبيرات التجميل
ما عندي فكره عن مكياج هيفا اترك هالسؤال للخبيرات
بس برد عليج بخصوص هالسؤال
انتوا شو تفضلون :
1. تكون صورة الميك اب لانسانه بالطبيعه ؟؟
أو
2. عادي تكتفون بصورة عين فيها ( ميك اب ) مرسومه عاليد ؟؟
و جوابي راح يكون الأول..لأن ما يعيبني رسم الإيد مووول
أحس ما بيظهر شغلج و إبداعج
حاولي تلقين عارضات عشان يمشي شغلج
نتريه انشوف شغلج
موفقه حبوبه
سلام
مشكوره حبيبتي على ردج ……..
و ننتظر بقية البنات …….
بس اختي المشكله بسعر العارضات كل وحده فوق 2024 و هالشي حرام …….!
و انا بحاول ….. ان شاء الله
و ننتظر بقية البنات …….
المشاركة الأصلية كتبت بواسطة g!rl 
شكلهم عيزوا من خبيرات التجميل
الظاهر جي ……
مشكورة اختي عالمرور
وينكم بناااااااااات ؟؟؟؟؟؟؟؟
وين البنات اللي نبا نستفيد منهم ؟؟؟؟؟؟
هلا فيج ..
بالنسبة للشدوهات اللي يستخدمونها الخبيرات بشكل عام عندج : كريولان ، بن ناي ، ماك ،ديور …
وكل مايكون لون الشدو واضح وساطع يكون أحلى في الاستخدام ويبرزلج الميك اب ..
وبخصوص اسألتج الثانية : اعتقد مايجوز تعرضين وحده متمكيجه .. لانه فيه احتمال ريايل يشوفونها والإثم عليج بيكون ..
ليش مااتسويلج بطاقات للتوزيع كدعاية لج بين الاهل وترى إذا الناس جربوا شغلج وعيبهم أكيد راح يمدحون فيج ..
الله يوفقج ..