السلام عليكم ورحمة الله وبركاته
هلا بنات
انا عندي بنتي عمرها شهر واسبوع تقريبا
بس متعبتني واااااايد … مشكلتها بانها ما ترقد رقاد متواصل
يعني نومها متقطع … في الساعة الواحدة تقوم فيها مرتين
ونادرا ما تواصل الساعتين
حتى لما اسبحها المفروض اليهال يتخدرون وينامون بعد السبوح
بس هي ما شاء الله عليها … تنام وتقوم كل شوي!!!
على فكرة انا اعطيها دوا للغازات لبطنها
قولولي هل هذا طبيعي ولا عندها مشكلة؟؟؟
انتظر خبراتكم
اختي حاولي أتشبعينها عدل لماترضع يمكن من النوع اللي يشرب شوي ويرقد فأنتي حاولي أتخلينها ترضع عدل عالأقل ربع ساعه لو بالغصب حكي أذنها أوريلها وبعدين جدعيها ورقديها شوي ع بطنها بترتاح وممكن بعد أتسويلها مساج خفيف بالزيت يساعدها عالرقاد ،، وبقولج شئ ترا الجو الغرفه وايد مهم ،وتصدقين أنا بنتي كانت ترقدأكثر في الحشره !!! يعني لما كنت أحطها في الصاله وصوت التلفزيون كانت أطول بالرقده بس طبعا ماينفعلهم … الله يعينج في تربيتها وأن شاءالله فتره بس ألين تكبر شوي وبيتعدل رقادها …
اذا متأكده انها ما تكون يوعانه و صياحها مال ألم, وديها الدكتور,,, بس دام بعدها ما كملت شهرين يمكن هذا عادي,,,
الله يطمنج
بنتي نفس الحاله .. ماتعدل نومها الا لما صار عمرها 6 شهور تخيلي 
كان امنيتي وقتها اني انام ساعتين على بعضها ..
مشطورين بنات على الردود
بس انا بعض الاحيان اكون متاكدة انها شبعانة
بس تنش … انا قلت يمكن اذنها !!!!
ممكن تقولولي وين احسن دكتور اطفال في بوظبي ؟؟؟