السلام عليكم و رحمة الله و بركاته ^^
الصراحة سؤالي ممكن يكون غريب شوي، ما حصلتله اجابة فقلت بسألكم و أشوف لو حد عنده أي فكرة
يصير إني أدرس تخصص معين و بعد سنوات أدرس و آخذ شهاده ثانية ولا لازم أعيد الثانوية و هالكلام؟
أنا تخرجت السنة اللي فاتت من الثانوية والحمد لله كنت من أوائل الدولة و طلعلي منح فالجامعات وقررت أدرس هندسة حسب ميولي، لكن لو بغيت أدرس تخصص ثاني بعد ما أدرس هندسة، يصير؟ لإن شي احتمالية لو هالكلام يصير إني أرد أدرس طب بعد 3 سنوات لأحقق أمنية الوالدة بإن تكون بنتها دكتورة مع إنه ما يخصه بميولي ~.~ ، بس حبيت أعرف كيف بيكون النظام وقتها ^^
و مشكورات مسبقاً
اكيييييييييييييييييييد تقدرين تدرسين في تخصصات ثانية و انا انصحج تسيرين اي الجامعة و تشاورين مع المشاور بخصوص هالموضوع
مشكورة غاليتي ^^ أتمنى الصراحة
أنا اللي أعرفه إنه اللي يدرس طب تنسد نفسه عن دراسة أي شي بعده فقلت خلني بالأول أضمن مستقبلي و أدرس شي أنا مقتنعة فيه، و الحمد لله دراستي فالمعهد البترولي تضمنلي مستقبل حلو، لكن حرام بعد ماما كانت تتمنى أكون دكتورة ف مستعدة أساوي المستحيل لأحقق حلمها ^^ لو يمشي خلاص إن شا الله طب بعد الهندسة =)
ولايهمج يالغالية, صدقيني لو شو درستي امج بتتفتخر فيج و زين ماتسوين اول ادرسي اللي تحبينه و عقب الله كرريم و علفكرة انا بعد ناوية عقب عرسي اسجل في المعهد البترول
حلووو ^^ حياج الله ويانا =)
ترا المعهد مب مثل ما الإشاعات تقول، والله حلو ^^ صحيح الدراسة شوي صعبة لكن الحياة فيه متعة بمعنى الكلمة =) نحن و الأساتذة مثل بنات و أبوهم أو أمهم، كلهم قلوبهم عليج ^^ ههههههه في منهم يزودوها "أحياناً" لكن فالآخر ما توصل الأمور لدرجة إنهم يكونون مثل دكاترة الجامعات الثانية اللي يقولون الأستاذ يشرح حق عمره
نحن فالصف الواحد بس 12 بنية ممكن أكثر ب 3 أو أقل حسب لكن العدد دوم صغير فتحسين كل طالب ياخذ حقه من الشرح ^^ و لو ما فهمتي شي معين يعيدون الشرح مرة و مرتين و 10 بعد.. الصراحة أحلى عن المدرسة ^^
مشكورة حبيبتي لانج عطيتيني فكرة عن المعهد
عطيني فكره عن المعهد البترولي مادري ليش ارتحت لهـ
وكم مدة الدراسه .. وفيهـ سكن للطالبات ؟؟
وربي يوفقج حبيبتي 