السلام عليكم ورحمة الله وبركاته
شخباركن وعلوومكن ؟!!؟
بنات انا حبيت اسالكن عن زيت السمك وهو عباره عن حبوب تبااع فالصيدليه
ربيعتني نصحتني فيها و وحده فالصالون بعد نصحتني فيها يوم سالتها شو تسوي لشعرها لانه ماااا شاااااء الله حلووو
بناات انا شعري اخترب ,, مادري ليش ,, كااان طااايح واسوووووووود وكثيف وااايد وااايد وحتى ع قولة الوالده انتي الوحيده اللي كانت الف شعرها لانه ماينلف > ماشااء الله يعني
بس احييين اخترب ,, خفييف لدرجه فضييعه كاان طويل بس احيين قمت اقصه ماصدق اتيي مناسبه او عرس عسب اقصه ,, واقصه مدرج عسب يبين اكثف ,,
فيمكن السبب سووء تغذييه ,, نصحووني بحبووب زيت السمك ,,
وانا سرت الصيدليه كنت باخذها شفت شكلها حسيتها دوى فقلت بسال مجرب اخيرلي
فاللي تعرف عنها اتخبرني .. هل جربتيها ؟؟ وهل لها اضراار ؟؟ منو نصحج بها ؟؟ وهي مفيده للشعر بس ولا بعد الاظافر و..الخ
و
مراحب اختي
والله ماعندي خبرة عن هاالموضوع ……..
بس حبيت امسي على الحلوين وياريت البنات يقدروا يفيدونك ……. أب
وان شااء الله اللي تعرف بترد
واسعدني تواجدج منوره ياعنوني
هلا اختي
انا بصراحه ما سمعت عن زيت السمك، انزين انتي يوم سرتي الصيدليه ليش ما سالتي الصيدلاني اللي هناك عن الزيت لان هم عندهم خلفيه عن الادويه.
وبعدين حتى لو استخدمتيه اتوقع انه ما بيسببلج اي ضرر ان شا الله لانه طبي وان شا الله بيكون مضمون.
وحالولي انج تهتمين في شعرج مب بس بزيت السمك، يعني سويله ماسكات او حطي بيض ومن هالسوالف ، ولا تنسين فديتج ان التغذية تلعب دووور، يمكن انتي ما تاكلين عدل يعني راجعني نفسج شوفي شو تاكلين، لان الشعر ما يتعمد على التغذية الخارجية فقط ، يباله تهتمين في اكلج بعد.
واسمحيلي فديتج طولت عليج
اختي انا اعرف انه فيتامين .. يعني ان نفع ما يضر
هو فوايده وااااايد … بس اخير لج تتخبرين الصيدلاني بيفيدج اكثر
و طبعا هب ها بس بيعدل شعرج الشعر يباله عنايه و تغذيه خاصة
كثري من الفاكهه و دهني شعرج و حنيه واهم شي اقري عليه حتى لو هو خفيف
و الله يكون في عونج
زيت السمك عباره عن فيتامينات مفيده للبشره والشعر انا وصديقتي نستخدمهم واشتري اللي في علبه بيضا وغطاها احمر وسعرها 48 درهم
انزين انتي يوم سرتي الصيدليه ليش ما سالتي الصيدلاني اللي هناك عن الزيت لان هم عندهم خلفيه عن الادويه
بس اخير لج تتخبرين الصيدلاني بيفيدج اكثر
و طبعا هب ها بس بيعدل شعرج الشعر يباله عنايه و تغذيه خاصة
كثري من الفاكهه و دهني شعرج و حنيه واهم شي اقري عليه حتى لو هو خفيف
و الله يكون في عونج
كانت حرمه وهنديه واستغفر الله احسها مضييعه تمت ادور لين ماحصلته وهو جدامها
وان شاء الله الغلا بهتم بشعري وتعذيتي اكثر لول