الموضوع مدري كيف اعنونه باي عنوان ، المهم موضوعي يمس الكل انا انسانه اجتماعيه احب اللمه والناس والى عايش فى وقتنا يعرف طبع الناس فى هالوقت كلن بحاله وفى بيته ومقابل النت ولا التلفزيون والكل ضايق حاله ووده يجتمع ويسولف بس مختبي فى بيته ومقابل الطوف ، المهم انا ازور بعض المعارف من وقت لاخر وازور اخوانى المعرسين وخواتي بس للاسف ما حد يرد الزياره ، وعلى قولت القايل ( ردوا الزياره ) ههههه والله من الضيق اتكلم المهم ، احب اعرف وش اهتمام البنات والحريم فى المنتدى احد منكم يزور ويرد زياره ولا الاغلب بيتوتي على قولتهم وهل الى اسويه ضعف مني ولا انقص من قيمتي عن الى ازورهم ولا يردون الزياره ؟ مدري ردوا وبشوف
أدي الواجب اللي عليج صلة الرحم واجبة حتى لو ماردوا لي الزيارة عادي ما يزعل ماألومهم ألوم الظروف بس
انا عادي غندي يزوروني وازورهم واذا فجأه محد زارني اتصل وأسأل
اول كان يزورون بعض باي وقت
بس الحين الي لاحضته يوم يكون عندج عزيمه و لمه
او مناسبه و بتسوين حفله بيزورونج
في زمنا هذا تقريبا الزيارات معدومه الا اذا متعنيه ومسويه عزيمه علشان نيمعهم
فديتج أجرج عظيــــــــم وايد وايد
أجر الي يؤدي صلــة الرحم وماترجع له وايد كبيـــر ياريت الي أزورهم من أهلي ما يزوروني ههه^_^
لا لا الحمدلله خلهم يزوروني 
بس بغيت أخبرج ان أجرج عند الله محفوظ
واعذريهم سبحان الله الانسان مب ملحق والوقت يمر بسرعـــة
وانتي بالعكس من طيببتج وحرصج
ربي يديمها فيج أخلاق طيبــة ^_^
عندنا مثل في البحرين يقول لتكثر الدوس يا خلي يملونك