السلام عليكم
اخواتي انا زوجي تزوج علي بعد 16 سنه
وبعد 5 أشهر طلقها بسبب المشاكل
هو تزوجها بالسر
ولمن سافر شغل زي ما قال طلع شهر عسل
وتركت لي لبسها في شنطته علشان اعرف
5 شهور عشتها معاه طلع حق ال 16 سنه من عيني
بسبب غيرتها الشديدة لانها سبق تزوجت
وتبغا زوجي لها لحالها
المهم طلاقها دام شهر ثم رجعها بدون علمي
لكن كالعاده تبغا توربيني انها رجعت حطت بوسات على ثوبه
واجهته قال انه رجعها
الغريب في الموضوع انه ما يبات عندها الا يوم الجمعة
باقي الأسبوع يبات في بيتي
الأخ يخرج كل يوم من 7المغرب يرجع ينام
مابيننا اي تواصل
ايش أسوي هل أطالبه بالعدل في المبيت
علشان يقضي طول اليوم عندي بدون ما يروح لها مثل اول
او أخليه على حاله
يجي البيت يتغدا و يرتاح ثمن يخرج عندها الين الليل
زي ما انتو شايفين اغلب وقته عندها
ايش أسوي دلوني
الله يعينج اختي اول شي كثري من الدعاء له و انه الله يهديه و يسخره لج
هيه طبعاً لازم يعدل ف المبيت بينكم و ذكريه انه اللي يعدد و ما يعدل ايي يوم القيامه و شقه مائل ، و الل ما يقدر يعدل اساساً لا يعدد ، كلميه بس باسلوب حلو و راقي ، الله يسخره لج يارب
هو صح الزواجه شي مب سهل بس رمسيه عشان يعدل بالمبيت لانه حقج
من وجهة نظري أشوف خليه براحته لين تهدى الأمور .. اذا هو بنفسه ما يبي يقعد عندج ليش تخلينه يقعد غصب وتقولين ما بينكم شي !!!
بس انتي لما يكون موجود معاج فالبيت لا تقصرين معاه بشي وعامليه بأحسن ما عندج والبسي وحاولي دوم تكونين كاشخه ومتعطره ومتعدله صدقيني ما راح يقدر يقاوم وااايد .. وصدقيني بترجع الأمور مثل أول وأحسن بعد ..
وحطي ف بالج اي شي يديد يكون مرغوب فالبداية وبعدين بيستوي شي عادي ف حياته .. خليه ع راحته بيستانس منها وبيشبع ومرده لج انتي ولعيالج ..
عن نفسي احب أقولج كلميه خليه يعدل و إذا ما قادر يعدل لا يعدد بالزوجات ، و بعد لا تنسين نفسد عيشي حياتج و تدلعي و اكشخي و عيشي احلى حياة
ماحب اعلق ف هالمواضيع يفور دمي
الله يعينج اختي
حبيبتي لو تضاربينه بيشرد ..
ولو سكتي بيزيد وبتمادى هيج
اكيد من يطلع من عندج يروح حقها فعشان جي يبات الجمعه وياها ..
كلميه والزميه ان يكون عندج ثلاث ايام وعندها ثلاث ايام و كل مره ويك اند عند حد
جي ممكن نعتبره عادي