كيف الحال حبيباتي
انا اليوم عندي موضوع صغير بغيت رايكم فيه….. بليز افيدوني
الله يسلمكم ابغي اتكلم عن الصبغ والقص وهالسوالف
انا وااايد احب اغير بين فترة وفتره…. وكل الالوان تقريبا حاطتهم
ومن 4 سنين مدة زواجنا كنت أغير على كل فترة القص والصبغة…الموهيييم ان ريلي مايقولي رايه حلو مب حلو
يعني عادي عنده….اتعرفون الريايييل كيف…يرفعون الضغط
بس الفترة الاخيرة قام يقولي ما يعجبه الا الاسود وانه احلى علي فأنا من سنه تقريبا صابغة اسود علشانه…وطول هالسنه مليت وكل شهرين كنت يا اغير قصه أو اصبغ الاطراف بلون ثاني…
الموهييم(((جني مصختها…خلاص بقول الموضوع)))
الله يسلمكم من كم يوم رحت وصبغت عسلي واشقر وقصيت قصه غير روعة وقصيت قصه شكلي مرة اتغير وانا اشوفه حلووو واخواني قالوا حلو والبنات
بس الحبيب قالي احلى قبل وليش غيرته وانتي حلوة ماتحتاجين شي ومن هالكلام……
وقالي كنتي ملاك قبل!!!!!! واحين شو صرت شيطان
المهم انا بغيت رايكم
انا احب الاسود بعد بس بغيت اغير علشان جذي بس احين افكر ارد اصبغه اسود
مع ان من 5 ايام بس صابغه اشقر
شو اسوي بليز
رايه ولا راي
وع فكرة قالي انا يوم اشوف وحده فالسوق تمشي وصبغه شعرها جي احتقرها!!! صدق اثرت فيني هالجمله انصدمن!!!
واهو مب جابرنيه اغيره بس احسه مو مرتاح للاهالوان مع انها موضه وحلوة…وقالي الغوامج وخاصه الاسود
هلا حبوبة انا راي سوي الي ريلج يحبه يعني انتي تتكشخين حق منو و تبين ترضين منو اكيد هو فسوي الي هو يباه و اذا تبين اتغيرين في وايد انواع من الاسود الي مايل للبنفسجي و الي للازرق و تقدري اتحطين خصل باللون الاكاجوا يطلع روعة ويا الاسود غيري القصة وانا بصراحة من عشاق اللون الاسود يبرز الجمال العربي
سوي اللي ريح ريلج او اقنعيه
مدام قالج شو يعجبه فهذا شي وايد اوووكي
وانا من راي الخوات >< يالله المهم جفتيه كيف عليج وغيرتي شوي خخ
بس ردي للون اللي يحبه ريلج احسن ^^ لانه بيستانس وبيحسس انه رضاه مهم بالنسبالج
والله يوفقج ^^
لاتسيرين اتغيرين لون شعرج احين بعد لانج توج صابغتنه ف بيحتت شعرج
خليه عااادي بيتأقلم ريلج علييييه … ترا في ريايل مايعرفون في هالسوالف..
فيه ريايل ما يحبوون الألوان الفاتحة مب الصبغه نفسها
يعني لو صبغتي مره بني غامج ومره تدرجاته او الألوان الثانيه
واختاري اللون الي يحبه عشان يجذبه ما يكون العكس
مشكوووورات فديتكم عالردود
والله اتشاور اروح هاليومين اغيره للاسود
وصح البنات اللي قالوا انا اكتشفت انه مايحب الاشقر خير شر بس الغوامج عادي قال
انا مغيره الاسبوع اللي فات لاني كنت ناويه اسوي كراتين علاج مرة وحده…بس من عرفت انه بيفتح الشعر زياده قلت الله يعين اهو جذي يقولي وايد فاتح اذا فتح زياده الله يستر