السلام عليكم ورحمة الله وبركاته …… ريلي الخضروات اللي انشوفها في مطاعم البوفيع المشوي والمفور ما كيف الطريقة المشوي يكون لذيذ يعني اتحسين انج تاكلين خضار واما يوم اسير اشوي الخضروات تتحول الى شيبس وحتى المفور يطلع شرات اكل المستشفى مادرس شو الحل حتى صالونة الخضرة ما اعرف اسويها ساعدوني حياتي في خطر و هو دومة ينغز وانا اشوف في المطاعم مثلا الخضروات المشوية راشين عليها شي اخضر يشبه البقدونس الناعم ممكن خبرتكم بليييييييز
حبيبتي كلامج مو مفهووووووم
وضحي أكثر عسب نسااااااعدج..
http://forum.uaewomen.net/showthread.php?t=289522
اختي الموضوع في ها الرابط مادري كيف طلع مرتين
؟؟؟؟؟
المشاركة الأصلية كتبت بواسطة **rose** 
الاعشاب العطريه موجوده في الجمعيه سيري وين لبزار بتحصلينها في زجاج صغار ومكتوب عليها بالعربي
بعد بتحصلين الأوراجانو حلو مع الخضره المفوره او المشويه
انا بعطيج طريقتي
انا احط الخضار الي ابيها واحطي فوقها ملح وابشر ماجي وفلفل اسود
واحطيه على النار بدون ماي واسكر عليه على نار هاديه
بتلاحضين ابروحه ايسوي ماي وخليه فتره ولا اتحركينه واذا حركتيه حركيه على الخفيف عشان لا تهرسين
الخضار ويحافظ على شكله
وبس وقدميه وجوفي كيف طعمه