مساء الخير
بقولكم سالفتي مااعتبرها مشكله لانه احس اغلب المتزوجات يعانون من هالشىئ
ريلي يكون فالداوم اسبوع كامل ومايرد البيت الا في الويكند
و الويكند لما يرد يكون مشغول ويا اهله و سوالف العمال و الامور الثانيه انا مقدره هالشيئ بس مشكلتي:
في الوقت الي يكون وياي كيف اخليه يكون مستانس و يشتاقلي و احاول انه يفضالي
لاني اعصب وايلس الومه واعاتبه واحسه يزعل ويقول بدال لا تسمعيني كلمه حلوه يالسه تتضاربين وياي
ساعدوني كيف اخليه قريب مني ومايقدر يفارقني
الله ييسر اموركم
اكثر شيء يكرهه الريال الحرمة الي تتشكى وايد
غيري من نفسج اختي وحاولي تكونين جدامه باحسن صوره ووجه باسم ويمكن غيابه وانشغاله غصب عنه فلا تحمليه فوق طاقته
الله يعينج انا حاسه فيج يضايق هالشي وايد و المشكله اذا حسستيه انه عادي و مافي مشكله هو بعد بيقول عادي و عايبنها الوضع جيه و بيتم على نفس الحاله ترا خواتي انا مب يالسه احرضها بس انا مريت بالهشي و ما كلمته و قلت حرام و هو قام يتمادى و قال عادي هيه ساكته
لو هو طول الأسبوع بعيد عنج استغلي الفرصه حتى لو مب موجود معاج تواصلي معاه بأي طريقه مسجات او فون او آلبي بي او الواتس أب وكله بينيله إنج بالفعل مشتاقة له الزمن يخوف الصراحه وبنات الحرام في كل مكان والريال لين متي بيود عمره الشيطان شاطر حبيبتي .. وإذا ع العمال وأهله خليج معاه وين ما يروح اذا راح عند أهله سيري وياه اذا راح يشتري قفل الباب حتى سيري معاه استغلي هال وقت تكونين معاه .. ولا تحنين عليه يقول في خاطره أنا أيييها فالويكند وهي كله تحن علي .. سوي له اجواء رومانسية خليه كل ويكند يحط في باله يا ترا حرمتي شو مسويتلي اليوم .. عاد الدلع والحركات مطلوبة بين كل زوجين
الله يوفقج
الحال من بعضه فديتح .. نحن جدامنا والبال موب عدنا .. خلها عى الله بس .. اادعي ربج ياختي
انتي تقولين الوقت اللي يكون وياج تلومينه ليش عاد خلاص دام انه يخصص لج وقت خلى الحنه عنج وكثرة التلصق في الزوج والحب الزائد والمحاتاه هي اللي تخليه مايهتم في زوجته جربي طيب خليه يسولف لج انتي عن الشغل والمواقف والعمال سوي نفسج مهتمه تسمعينه تاخذين وتعطين معاه بالسوالف حتى لو ما تحبين سوالف شغله والله يعينج أنا زوجي متى ماوده زعل ومتى ما وده رضى عادي يتم أسبوع مايكلمنى ماغير هالتليفون مسليني والله يعين
لا تعاتبينه يوم بيكون جدامج، استغلي الوقت وخليها لـ لحظات الحلوه
ويوم بيكون ف الدوام عاتبيه لا تتشكين قوليله انا مقدره انك مشغول
بس عتاب خفيف يخليه يحس انه وجوده مهم بالنسبة لج