السلام عليكن خواتي شحالكن كلن بحاله
عساكن بخير ياربي
اشرايكن في التعبير اللي في العنوان ؟ غاوي صح ؟ أسميني بذلت مجهود خورافي عسب يطلع وياي جذا < وليتني فلحت 
خواتي الغاليات أبا مساعدتكن بحكم خبرتي القليلة والتي لا تُقارن بخبرتكن الواسعة ومعرفتكن بكل خفايا وشاردة وواردة وصغيرة وكبيرة في الأسواق < عيني عليكن ثلج فديتكن
أبغي أفصل مخور بألوان علم الإمارات لبنتي عمرها سبع سنوات حق الاحتفال باليوم الوطني
يعني إذا مب مخور .. فستان كروشيه بألوان العلم
أي شي بألوان العلم بس يكون راقي وحلو وبسيط .. ( يعني لا دراعة تقليدية ولا فستان منفوخ )
يعني أبا اعرف من وين أشتري هالتفاصيل كيف اقدر احصل قطعة كواليتي بألوان العلم .. أو منو اللي بتتكرم وتدلني على وحدة تفصل فستان كروشيه بهالعمر .. انا حصلت وحدة فالمنتدى بس تفصل حق عمر سنتين فقط
وجزاكن الله جنة الفردوس يالغوالي
بحبكوم أوي واللهي
الغاليه تقدرين تحصلين قطع حلوه من سوق السور اللي في الشارجه مثلاا ..بالنسبه للمخوره إذا لج خاطر تسوينها فأنصحج بمخاوير الشارجه سيري عندهم و اختاري الديزاين اللي دش خاطرج و بايسوونه لج بألوان علم الامارات ..
تقدرين بد اطلعين موديلات و يطبقها لج الخياط .. ماعليج إللا انج تاخذين الخامات و باقي تفاصيل الفستان ..اتمنى أكون نفعتج ^^
اختي بتحصلين فمخاوير الشارجه نفس هاللبس
اللي هو كندوره قصيره و تحتها صروال بو قرضه وايد بيطلع حلو عليها ..
و بالنسبة للالوان اللي شفته هو مسوي كمن لون و عليه تطريز ذهبي ..
و القطعه لون واحد .. بس ما عرف اذا بغيتي كمن لون فالقطعه الوحده يسوي و لا لا ؟
نفس هذا ..
اتمنى اني افدتج و السموحه منج عالقصور ..
خياييط شارجه يفصلون مخاوير وفساتين
والقطع من عندهم
موفقه الغلا ..
حلو ومنكم نستفيد
ممكن تاخذين لها قطعه حرير بيضا وتفصلين لها الخوار بلون علو الامارات بتطلع احلى بوااااااااااااايد وراقيه
واكسسوارات الشعر بتلقينهن في المعارض او اخذيلها شرايط حرير بلون العلم وسويلها سغرها بطريقه حلو
هذي الفكر الي يت في بالي واتمنى اني افدتج