{ رشاقتي سر جمـالي . . يومياتي مع رجيم النقاط . .

حاطه فبالي ابدا من يديد . . واطلع بطله مميزه مع بداية 2024 . .
واخترت رجيم النقاط اللي اغلب الناس يعرفونه . . وممكن تبحثون عنه فـ قوقل

وطبعن خضت العديد من التجارب الفاشله مع الرجيمات الباقيه الي نزلتني 4 كيلو ف اسبوع وردولي 6 كيلو عقب . .
ف اخترت رجيم ينزل من 0.5 الى 2 او اكثر ف الاسبوع . . طبعن بدون حرمان او اي شي
السالفه كلها مجرد إني لازم آكل بكميات محدده

فـ حبيت اشارككم يومياتي . . وان شاءالله كل يوم بحط لكم نظامي وشو كلت وكم نقطه نفذت في كل وجبه

فـ البدايه انا وزني 82.8 وطولي 157 . .
لذلك بتكون عندي من 20 الى 22 نقطه

وبحطلكم كل صنف مع عدد النقاط الي يحتويه

طبعًا كل نقطه = 50 سعره حراريه . .

وان شاء الله من اليوم 4-12- ابدا هالرجيم
وهدفي الأول 79 << التخلص من رقم 8

والميزان بيكون كل اسبوع يوم الثلاثاء . . وبخبركم بالنتايج . .

دعواتكم لي واللي حابه تشارك وياي حياها : )

ان شاء الله توصلين للوزن اللي تبينه
اهم شي يكون عندج اراده وعزيمه
وحتى لو وزنج ما نزل او ثبت لفتره
ما تزعلين و تكنسلين
خلج مستمره

انا وزني كان 82 و طولي 163
خلال اسبوعين مجرد اني امشي و مخففه اكلي
انصدمت ان وزني نزل 5 كيلو ماشاءالله
لا تتعبين نفسج وايد اهم شي تاكلين اكل صحي
وامشي كل يوم لو نص ساعه

وبنتابعج باذن الله

ريوقي كـان الساعه 7

شريحتين توست ( نقطتين )
ملعقة طعام جبن ( نقطه )
اقل من نص كوب شاي حليب ( نقطه )

و توني كلت سناك عباره عن

6 حبات بسكويت مالح ( نقطتين )

مجموع النقاط المستهلكه = 6
الباقي = 14-16 نقطه

وهالباقي بقسمه على الغدا والعشا بإذن الله

المشاركة الأصلية كتبت بواسطة عنجهيه

مرحبا حبيبتي

ان شاء الله توصلين للوزن اللي تبينه
اهم شي يكون عندج اراده وعزيمه
وحتى لو وزنج ما نزل او ثبت لفتره
ما تزعلين و تكنسلين
خلج مستمره

انا وزني كان 82 و طولي 163
خلال اسبوعين مجرد اني امشي و مخففه اكلي
انصدمت ان وزني نزل 5 كيلو ماشاءالله
لا تتعبين نفسج وايد اهم شي تاكلين اكل صحي
وامشي كل يوم لو نص ساعه

وبنتابعج باذن الله

(=

حبيبتي شجعتيني وااايد بكلامج هذا وان شاءالله يارب يتحقق اللي ف بالي . .
وصدقتي اهم شي الإراده ولولا الاراده محد يقدر يوصل هدفه . .