منو عندها خلفية عن افضل واشطر دكاترة جلدية في الهند !! وكم اسعار الفحوصات ؟
انا سمعت ان الهند فيها اخصائيين ممتازين بس المشكلة ما اعرف شلون اوصلهم و وين مواقعهم انا متخوفة شوي من الرحلة
فلي عندها معلومات تخبرني ويزاها الله ااااااااالف خير لاني ناوية اسافر عقب العيد
مرحبا اختي
العلاج في الهند وايد ممتاز و لكن عليج بالسفارة هناك هم ما بيقصرون بيدلونج على احسن المستشفيات و العيادات يحددون لج الأوقات و الاسعار ، حسب المنطقة بمباي و الا بنغلور ؟
انا سرت امستشفى السيفي في بمباي وايد ممتاز و راقي و نظيف و فيه دكاترة متخصصين .
ما عندي خلفية
ان شاء الله بنات يفدونج
شوفي حبيبتي …
كل أطباء الهند شاطرين …حتى اللي في العيادات الصغيرة
سبحان الله ! عشان كل طبيب فيهم يكون مارين من تحت ايديه مئات الألوف من المرضى وعشان جذيه عندهم خبرة
بالإضافة الى انه معظم الأدوية الهندية يدخل في تركيبها الأعشاب
عشان جذيه تكون فعالة جدا !!
بالنسبة للأسعار غير مكلفة أبدااا بالنسبة للأسعار عندنا !!
مثل ما قالت الأخت اللي قبلي
تقدرين تتصلين بالسفارة وهم يرشحون لج طبيب زين
أو ممكن بنفسج تدخلين مواقع أشهر المستشفيات وتلقين باكجاتهم العلاجية
في مومباي عندج :
Bombay Hospital
Bombay Hospital Avenue
Marine Lines
400020
Tel.No:22067676
وهذا موقعهم على النت :
http://www.bombayhospital.com/index1.html
————
Breach Candy Hospital
60
Bulabai Desai Road
400026
Tel.No:23672888
——————-
Jaslok Hospital & Research Centre
15 Dr G Deshmukh Marg
Bhulabai Desai Road
400026
Tel.No:56573333; 56573093; 56573010; 23533333
————————————-
شي مهم لازم تعرفينه 
لا تهتمين وايد ان المستشفيات في مباني قديمة ومكتب الدكتور مب شي
لأنه هم ما يهتمون بالمظهر !
فقط بالجوهر
يأدون شغلهم بكل اتقان وخبرة وهذا هو المهم
اذا حبيتي تعرفين عن الفنادق شوفي تقاريري عن مومباي بتشوفينهم بالصوت والصورة
على فكرة هالمستشفيات كانوا أهلي يتعالجون فيها من أيام الستينات لين الحين !!
واحنا الحين شايلين الراية ونكمل المسيرة ونمشي على خطاهم
وسلامات الغالية 
تسلمين اختي على معلوماتج … ان شاء الله بدش موضوعج مال مومباي واشوف الصور
وماقصرتي الغالية ربي يسعدج انتي وكل من رد علي وكتب ……
للرفع…