هلا بنات في حد قالوله راس الجنين اكبر من عمره وانا في السابع ارجوكم طمنوني
انا وايد خايفه الدكتوره تطمني بس انا بعدي خايفه
منو احسن دكتوره في دبي او الشارجه لمتابعه الحمل وابي اسوي تصوير ثلاثي للتطمين وين احسن مكان يسويه ومجربينه
شكرا بنات
ادعولي
اللهم ارزقني طفل كامل الصحه والبدن لايشكو زياده ولا نقصان
غريب ، اول مره اسمع عن نفسي ..
برايي دامج بالسابع ، اتركي الموضوع ع رب العباد
ادعي بصلاتج وان شاءالله ربي مابيكتب لج الا كل خير .. وتفرحين بشوفته سليم معافى
والله هالدكاتره ماشي منهم غير وجع الراس والهموم ، كل حد يقولج كلام
ربي يريح قلبج .
حليلج
انا مع كل بيبي يقولون لي هالرمسه
ولدي الاول قالو عود طلع راسه طبيعي بس معرض شوي. الثاني قالولي عووووود طلع نتفه وزلق بسرعه
والثالث قالو لي عود وفعلا طلع عوووووود بغيت اموت والله.
الحمدالله رب العالمين
قالوا لي ولحميتي بس عادي ثنينا ربينا طبيعي ولله الحمد
أنا ربيت في الشارجة بمستشفى الزهرة عند الدكتورة أميرة وارتحت الحمدلله
عادي حبيبتي انا قالولي نفس لكلام ققلي سكريات واكلي اشياء مفيده لان اول شي يوصل للبيبي السكر يكبر حجمه ويكبر الراس بس ترا شي بسيط لاتخافين ولا شي بس حاسبي ع اكلج واذا ماكنتي مسويه تحليل السكر سويه والله يتمم لج ع خير
يوووم ياما سمعت وسمعت .. نصيحه لاتعورين راسج
ببنتي الاولى قالولي راسها اكبر باسبوعين طبعا ماهتميت لاني بكر وماعرف شو قصدها ولانها ماعطت السالفه اهتمام انا ماهتميت
وببنتي الثانيه قالو راسها فيه ماي وراسها كبير واني انا احتاج قص العجان مع اني مش بكر بس احتاج اونه من كبر راس البيبي وقصت الدكتوره وزلقت البنت على طول من دون دفع ويوم شفت بنتي انها صغيروووووونه وتعصب الدكتوره وتقول انهم كاتبين في ملفي ان راسها كبير وانتي ماكنتي تحتاجين قص
الحمدلله اقري ع بطنج الرقيه والله يقر عينج بشوف البيبي بخير
قولي للدكتوره شهادتك ياكبرها وتعليمك ياصغره
انا قالولي رجله ياطوله طلع العكس هههههه توقعت ولدي بيطلع عملاق وتخيلت سيقانه ياطولها ههههه
ومره قالولي كليته اكبر من كليه ورحت لعياده ثانيه وسوت سونار طلعت كليته طبيعيه بس ممكن بوقت التصوير الاول كان ولدي ماسك بوله الله يكرمكم وخوفتني الدكتوره اونه لازم عمليه و و و
والحمدلله ماسمعت لكلامها
هنا بالامارات لاتعبين نفسك اذا قالولك شي مب زين افرحي لانه تاكدي انه وضعك زين اصلا صرت ماااروح للدخاتره الا للضروره واذا رحت لازم يقلقون الواحد بس عشان التحاليل والفليسات