عندي سؤال بخصوص خمول الغدة الدرقية
انا في الاسبوع 30 من الحمل الحين
واليوم اكتشفت انه عندي خمول في الغدة مادري كم نسبته لانه الدكتورة عطتني النتيجة بالتلفون
قالتلي تعالي باجر لازم اكتبلج حبوب
المهم انا سويت سيرج وايد عن الموضوع والكلام اللي قريته وايد يخوف
انه ممكن ياثر على الجنين تشوهات لاسمح الله وغيره
منو اكتشفت هالشي متاخر مثلي وما استوا شي فالجنين
وهل في فحص اسويه اطمن على صحة الجنين الحين عالاقل قلبي يطمن ولا اتم احاتي جي
هل فحص الثري دي او الفور دي يبين تفاصيل دقيقه مثل عدم وجود تشوهات؟؟
للرفع ….
ربي يسر لج أمورج و يحفظ البيبي ..ز
انتي قبل الحمل ماكنتي تعرفين انه عندج خمول ؟؟
انا عندي كسل وحامل واخذ حبوب تعويض الخمول الي صاير عندي من الغده
بالتوفيق اختي بارك الله لكي
وكُنْ ذَاكِراً لله ِ في كُـل ِ حَالَـة ٍ
فَلَيْسَ لِذِكْـر ِ الله ِ وَقْـتٌ مُقَيَـدُ
فَذِكْرُ إلَهُ العَرْشَ سِـراً ومُعلنـاً
يُزيلَ الشقا والهمَّ عنـك ويطـردُ
ويَجلِبُ للخيـراتِ دُنيـاً وآجِـلاً
حبوبه انا اكتشفت بان فيني خمول بالغده بالشهر الثامن متاخره وااايد
حولوني لباطنيه لان ما عندنا متخصص غدد براس الخيمه فعطاني ثايروكسيد وللحين مستمره عليه….
ولا تخافي هاي الفحبوب مالها اضرار ولا اثار جانبيه بس تعوض الهرمون … يمكن الدكاتره يخوفونج بس انصحج تسيرين لمختص بهالشي …انا سرت لدكتور بمستشفى النور يعطيج كل شي ويطمن الصراحه نسيت اسمه يمكن اسمه يحيى
لا تخافي وخذي الادويه … ترى الهرمونات تختلف بالحمل …. يمكن بعد الحمل يكون الوضع عادي وترد لطبيعتها بس انا لحد الحين اخذها ….الله كريم
والحمد الله على كل حال …….
الله يوفقج
ماعرف غناتي اول مرة اسمع بهالشي.. بس دام دكتورتج شاطرة وانتي ترتاحيلها خذي علاجها ولا تخافين
والغلا لا سمح الله التشوهات يقدرون يعرفون عنها من الشهر الرابع والدكتورة ما بتعطيج شي يضرج..
ربي يحفظلج ضناج ويرزقج اياه سليم معافى كامل الخلق والخلقة..