انا حاليا في فترة نفاس…عشان جذا حبيت اننا نتشارك خبرات بعض في هالفترة الحساسة بالذات…من تنظيف وعناية…بداية بنفسي…
انش من الرقاد او اتريا بنتي ترقد عسب اخذ راحتي لأني ادش الحمام ساعة كاملة…وباخبركم شاسوي في هالساعة…
غسالتي في الحمام فأبدأ احط الغسيل عسب اوقت هالساعة الكاملة…
اتسبح عدل وافرك بسكراب في كل المناطق السوداء بفعل الحمل مثل الرقبة…عندي الشور جل البرتقال مال بودي شوب…اتفرك به عدل وبعدها اسد حوض الأستحمام وافتح الرشاش على الماي الحار…وانزل من الحوض…
افرك جسمي كله بصابون مغربي سائل (ريحته زيت زيتون) واتريا شوي لي يمتزر الحمام بخار وبعدها افرك عدل بالليفة المغربية…وبعدها اغتسل بماي دافي…وعقبها بماي فاتر عسب تنسد مساماتي
وبعدين
اييب قشر الرمان في ماي دافي في سطل صغير وايلس عليه حول الخمس الى ال7 دقايق…يساعد في تضييج المنطقة وتنشيفها عسب لا يلتم عليها الرطوبة والميكروبات…(واذا كان فيج جرح ولا خياطة سوي نفس الحركة لكن مع ملح البحر او ملح طبيعي يبيعونه بس عند العطارين).
بعدها…
انا مسوية خلطة مكونة من مسج مدقوق مع ماي وماي ورد…اييب قطنة واحطها في هالخلطة وبعدها امسح بها المنطقة من الخارج والداخل شوي شوي…يعطرها ويطهرها.
المرحلة الأخيرة…
اييب خلطة اعشاب معها مسج ولبان عربي اطرش عليه من السعودية دوم…واحطه على مبخر واسدبه عزكن الله السيفون…وايلس عليه واسكر عمريه بفوطة كبيرة…واتم من 5 الى 10 دقايق يالسة…يبخر المنطقة ويجتل الجراثيم وما يخليها رطبة…
واخر شي اظهر الغسيل من الغسالة…خخخخخخخخ
يالله اتريا خبراتكن عزيزاتي…
مااشاء الله علييييييج ,,,
اناا بس ايلس ف مااى دافى مع ملح والحمدلله ماافينى سوااد
ماشالله علييييج حبووبه ..
يالله عقبال ما أحمل وأدلع عمري جي خخخخ
للرفع
ماشاء الله كل هذا تسوينه….
انا فالحمل الاولاني كنت اتسبح سبوح عادي واتفرك بس مب شراتج خخخ
انت الصراحه لج بارض ماشاء الله …
والحين ان شاء الله بخلص الثامن وبدش التاسع .. الله يعيننا جميعا
ومنكم نستفيد 
وينكم المربيات عطونا خبراتكم