السلام عليكم
خواتي وصلت خدامتي ، ويوم فتشتها طلع عندها تيلفونين واحد نوكيا والثاني سامسونج ، قلتلها ليش تيلفونين وحق شو سامسونج قالت هذا حق ريلي وبنتي يوم بكلمهم عالواتس اب ، قلتلها بيتي مافيه نت اصلاً وانا صدق اتكلم لأن احنا مب مركبين في بيتنا نت ،
انا وريلي نستخدم النت عالفون بس يعني مافي مودم في البيت ،
المهم ردت علي وقالت بتشترك بالنت من راتبها
وانا بصراحة مابيها تشترك بالنت ، يعني تعرفون كيف الراحد يخاف ومايأمن بالخدم هالايام
فشو تنصحوني !
مع العلم انا خذيت تيلفوناتها وقلتلها انا باخذلج واحد من عندي وبشتريلج رقم وبعطيج اياه حق اتصالات لأهلج بس مب حق نت ، قالت زين
وعقب قالت انزين مدام انتي بتجربيني خمس شهور او ست وشوفيني اذا انا اوكي عقب عطيني النت
فانتو شو تنصحوني لأني ضد فكرة الخدامة يكون عندها نت ،
اللي عجبني فيها تعرف تتكلم انجلش وتعرف عربي ، للحين ماشفت شغلها لأنها واصله اليوم
ادعولي بالتوفيق خواتي ماعندي وقت ابدل في بشاكير لأني موظفه وام عيال وعندي دراسه جامعه
الله يعين
الخدم قلق الله يعينك
الله يعينك بس ديري بالك هدول الخدم الاثيوبيات مش وايد هي تبيك تامنيله وبعد شوفي شوا بتسوي فيك ديري بالك الله يعينج عليها
الله يعينج
انا حطيتلها اشتراك لانه صح يكلف وهيه تبا بس للواتسب
حطيتلها خدمه للواتسب
مشكورات خواتي
اختي ميمية بسألج اي خدمة هذي اللي بس حق الواتس اب ، بدون استخدام النت ككل ؟
ياليت تفيديني لوقت الحاجة
وشكراً
هيه حبيبتي شي خدمه للواتساب والبيبي ام وتويتر بس
اللي هي ب ٤٩ شهرياً ،، (( اتصالات ))
والله يعطيج خيرها ويكفيج شرها ،،