السلام عليكم
انا متقدملى شخص وعملت استخارة وحلمت حلم
حلمت انى ف بلد بابا وماما والبلد ف الريف وقاعده عند تيتا مامت مامتى وكان ف ناس كتير خالاتى واولادهم وخيلانى واولادهم والجو ليل والدنيا مطره جداااااا وشديده اووووووووى لدرجه ان الشوارع بقت زى النهر من كتر الميه وكلنا مبسوطين جداااااااااا بالمطره دى وشوفت برق النور من غير صوت مره واحده بس وانا قولت ادعو ربنا ف الوقت ده وانا دعيت بس ف سرى وقولت هو انا دعيت ايه مش فاكره ومن كتر مانا مبسوطه بالميه قررت انزل الشارع واعوم فلبست المايوه الشرعى ده مع انى ف الحقيقه عمرى ملبست مايوه ولا عندى وبعدين قولت انا هعوم من هنا لغايه ارض جدى وبعدين من ارض جدى اعوم لغايه المقابر وارجع تانى فعومت شويه ووصلت عند بيت عمى اخر بيت ف البلد وقولت هريح هنا شويه وبعدين لاقيت ان الوقت اتاخر اوى وبقينا بعد نص الليل ومبقاش ف ناس فقولت لا مش هينفع اروح هناك لوخدى بالليل اوى كده فرجعت لبيت تيتا تانى وقولت الصبح باذن الله ابقى اعوم زى مانا كنت عايزه والصبح جه وبرده السما بتمطر جااااامد ومبطلتش وانتهى على كده
انا انسه 26 سنه والحمد لله دينيا ملتزمه
تمت الموافقه
خيرا نتلقاه و شرا نتوقاه
ان صدقت الرؤيا
تدل الرؤيا علي خيرا كثيرا سياتي لك ان شاء الله
و تدل علي تحقق امنيه تتمنيها و فرج و استجابه دعاء لك ان شاء الله
والله اعلم