السلام عليكم ورحمة الله وبركاته
ابشركن خواتي الحمدلله بخصوص المصمم الصيني
حجزت عنده وتم كل شي بسلام وسويت كووشه حلوة
وهي كولكشن يديد الحمدلله وهب مكررة في ولا مكان
وبحط صورتها عقب العرس بس ^^ دعواتكن
ادري بتوصلني مليون رساله برقمه واسمه وتفاصيله
وسعر الكوشه فانا اتعذر من اليميع مابرد على ولا رساله
بهالخصوص ولا بذكر اسمه فالعام لانه بيعتبر دعايه
والشي ثاني كم عضوة الله يسامحهن جلبووولي موضوعي هاك
فتاوي عن الاسعار والتكبر والغرور وغيره وغيره ورسايل والله
العضيم انا اقرى واضحك واراوي بنات عميته اقولهن شوفن عقول
هالحريم بس انا بس سالت منو تعاملت فيا المصمم هذا شو سوون البنات
وجلبن الموضوع حلبة مصاارعه عليه لين طلبت من المشرفه تسكره
عسب نخلص من حشرتهن والي قهربي زود من بينهن وحده مشرفه بعد !!!!
واي رد في هذا الموضوع بيكون بهاي الطريقه
تعالي ياالمشرفه واحذفي الموضوع بسرعه قبل لا يستوي حلبة مصااارعه
يعني ليش يابنات ماتخلن الوحده تخاذ انطباع زين عن المنتدى وبناته
والله انا كنت ناويه احط ضور خطوبتيه بكل تفاصيل بعد ردودهن حرمت انزل شي والله
والي تدخلت وتبى توصل لين ريلي والي لين ابووويه هاذي حريه شخصيه انتن شو يخصكن ؟؟؟!!
نصيحه لكل عروووس تبى تطرح صور عرسها ملجتها مكسارها وغيره
حطي التفاصيل والي تبى تشوف طرشيلها عالخاص لاتعرضين الصور فالعام والله هاي
نصيييييحه مني لكل وحده والله
عااد هب تنسين اعزمينا دام ما طعتي تراوينا الصوره ههههـ بالمره نضرب عصفورين بحجر ههههه
نشوفج ونشوف الكوشه
وما عليج من اللي يتفلسفن طنش تعش تنتعش ههههـ
وحطي صور ملجتج خلينا نشووف . .
وربي يوووووفقج ويهنيج
المشاركة الأصلية كتبت بواسطة $صاحبة السمو$ 
عااد هب تنسين اعزمينا دام ما طعتي تراوينا الصوره ههههـ بالمره نضرب عصفورين بحجر ههههه
نشوفج ونشوف الكوشه
وما عليج من اللي يتفلسفن طنش تعش تنتعش ههههـ
وحطي صور ملجتج خلينا نشووف . .
وربي يوووووفقج ويهنيج
خخخخخخخخخخخخخخخخخخخخخخخخخخخخخخخخخخخخخخ
تسلمين على ردج والسموحه ماروم احط الصور حرمت من ردود
البنات والله ^^
خيبه خيييبه يوصلوون لابوج وريلج مره وحده …. !!!!!
الله يهدي اللي جيه ابصراحه شوه تبون بالبنت خلوها اتسوي اللي تباه …
اختيار موفق للكوشه حبيبتي
والله يتمم زواجج عل خير ..
وماعليج من حد خيتو وحطي صور ملجتج تراج حمستينا ^^ وسوي طااف للانتقادااااااات ..
مثل ماقالت الاخت ,, طنش تعش تنتعش
الف مبروك يالغلا وربي يسهل امووووووووووورج وييسرها
وبالنسبه لرمسه البنات ما عليج منهن طنشيهن
لاحظت هنا بكل شي ينتقدن ولااااا هذا جذا سعرها وههذا جذا سعره
ولا يسوون لج حمله لمقاطعه فلانه وعلانه هههههههههههههههه
حشى وين يالسين نحن عافانا الله
اوكي كلن يمد ريوله على قد لحافه وعن الهذربه الزايده اللى مالها داعي
المهم تتهنين يالغلا بكوشتج وان شاء الله تطلعين احلى عروووووس
لاحظت هالشي في ردود البنــآت .. وفي كذا موضوع بعد
يعني البنت واهلها يقدرون منو انتوا عشان تتكلمون ؟ .. وبعدين صح الاسراف حرام بس بعد الواحد مايوود بيزاته .. يعني البيزات مب موجوده عسب نخشها ..
تفكير سطحي =.= ..
ع العموم ربي يوفقج .. وان شاء الله تكونين احلا عرووس .. وربي يهنيج ويا ريلج حبوبه =)
مبرووك ^.^ الله يسعدج
صح معظم الردود تسد النفس كانت شفت موضوعج …وانا مثلج …….كنت ابغي احط موضوع عن حفلة مكسار ماتشجعت من عقب ماشفتهم كيف انجلبو ف موضوعج ضرايب وحاله