السلام عليكم
ابغي افضفض لكن ..
ليش الرياييل ما عندهم وفاء!! تعطيهم الثقه ويردونها بخيانه!!!
اكتشفت انه ريلي يغازل وانا كنت واثقه فيه ثقه عمياء ..
اول مره كشفته كان منصدم ويعتذر ومتاسف على الي صار .. بس ثاني مره انكر وتم يتضارب ويايه .. حزتها عرفت اني لازم اغير اسلوبي وحياتي .. والحين انا احاول بس فيني قهر مب قادره اتخلص منه ..
طول الوقت شاكه فيه واتخيل اشيااااا .. صدق تعبانه .. حليلها الحرمه
ابغي اغير اكثر من نفسي داخليا قبل الخارجي .. حاولت بس رديت مثل قبل ..
تعبت والله منهاره
والله فتحت الموضوع على بالي بتتكلمين عن الخدامة ههههههههههه.. صدق انه الرياييل والخدم سواء
هههههههههه ضحكتيني والله
كلهم ما منهم امان
وثقتي فيه ثقه عمياء لكن هل كان هناك تقصير منج؟
الثقه بروحها ما تسوي شي الحياه اخذ وعطا وان ما عطيتي دوّر البديل "قله الوازع الديني"
يا أختي مو بس الرجاجيل ما منهم أمان هالزمن يخوف يعني ممكن الريال ماشي سيده وااتييه بنت إبليس وينجذب لها صارن البنات بعضهن بدون حياء وهم آلي يخربن البيوت ويركضون وراء الريايل والالسبب قله الوازع الديني والمغريات تعرفونهم عاد ما يقاومون الله يبعدنا عن الحرام
حاولي انج ما تقصرين ع ريلج أبد من كل النواحي ؤلا تعطينه الثقه العمياء بس بعد لا تتشككين فيه دوم يعني حسسيه أن عيونج مفتحه عليه وهو مهم عندج ؤما تبين تخسرينه ؤلا تخلينه يطالع برا وانج بتسوين كل آلي يرضيه عسب تملين روحه وجسده لو أنهم مالت عليهم ما يستأهلون بس مالنا غناة عنهم بنموت لو حد خذأهم منا
للرفع
التقصير مب مني !! منه هو!
وحتى ولو كنت مقصره تراني كنت دايما افتح معاه نقاش عن الي يحبه والي يرضيه !! بس الرد دايما يكون " نحن مافينا شيء وحياتنا ماشيه!" يبغيني اسكت عنه وهو يلعب من وراي