SIZE="5"]السلام وعليكن ورحمه الله وبركاته
اشحالكن يارب بخير
بنات مابطول عليكن بااجولكن المشكله وابا اعرف انا غلطانه ولالا وادا غلطانه انصحوني
[
السالفه ومافيها اننا اتيمعنا الاهل طبعا اهل ريلي وطلعنا نتمشى على الفريج بس حنا الحريم وكلنا تقريبا 10 وسوالف المهم ريلي ياني بسياره وجالي اعطيني المفتاح ابا اخد شي ضروري من شقتنا واعطيته وراح وعقب رد واعطاني المفتاح وجالي انا بروح ويا الشباب شي بخاطرج جلتله الله يحفظك لين هني اوكيه
تقزت بنت عمه وتجوله جدام الحريم انتا سخيف وانا واجفه والحريم واجفات اتخيلن انا شليت بخاطري بس ماحبيت انازعها جدام الحريم سكت ريلي لاحظت عليه ان ويهه انجلب المهم كملنا مشي وردينا البيت ويوم حنا في البيت يالسات طبعا نفس الحريم ريلي دق الباب واستئذن يدش انا جفت ويهه معصب جلت يارب استر جال فلانه قصده الي سبته احترميني انا هب اصغر عيالج وانا ريال معرس وباجر بيوني عيال شو سخيف والسوالف الماصخه وتحرجيني جدام الحريم وريلي كل شي عنده ولا ان احد يحرجه جامت تسب جالتله هيه انا جلت سخيف مافكرتك تزعل واشمعنى الحين يعني عقب العرس تغيرت عنبو حشميني انا يالسه وياكن شو عقب العرس تغيرت شو قصدها ؟
انا الي غيرته ؟
ولا قصدها ان عادي يسبونه قبل وبعد العرس شو سمنديجه ريلي ؟
المهم جالها اول واخر مره اسمعها منج وتنقز اخته الي اصغر عنه سنه وتجوله هيه يلا روح مني انتا واحد سخيف ومافيك اذب تخيلو وانا يالسه واسمع ومصدومه والحريم يسمعن وكلا يطالعني وتجول لريلي لو عندك رمسه لاترمس جدام الحريم تعال وخدها على صوب ورمسها وهي تصارخ وانا صاخه
شو ياخدها على صوب هي اخته عشان ياخدها على صوب هي بنت عمه ولو حد جافهم يالسين على صوب شو بيجول وانا روحي لو جفتهم شو باجول عليهم ؟
المهم ريلي جالها هي يوم احرجتني جدام الحريم اباها تحس بالاحراج جدامهن واخته جامت تسب وريلي روح عنهن وهن يسبن فيه انا هني عصب وجلتلهن بسكن ولا كلمه ابا اسمعها منكن بسكن سب عيب
وجلت حج بنت عمه عيب عليج هدا ريال بو عيال تجوليله سخيف حتى لو جان مزح احترميه عشان يحترمج وسكتت
وجلت حج اخته منو اكبر انتي ولا اخوج جالت اخوي جلتلها عيب عليج لو جان فيج اذب ماجنتي رديتي عليه وسبيتيه جدام الحريم انتظرتي عقب رمستيه بروحه جامت تصيح وجانت عمتي وخوات ريلي الكبار واجفات ويا الحريم يسمعن جالت لهن سمعتوها شو جالت وتمت تصيح وهن يهدوها انا جلتلها انا ماغلطت عليج انا جلتلج الشي الي لازم ينجال
جامت وردت علي هيه اصلا كله منج وانتي السبب ومن عرستي وحنا يتنا المشاكل من وراج
انا لبستها وظهرت عنهم لاني ماابا مشاكل اتصلت بريلي وظهرت اسولف وياه عشان مايشل بخاطره ويضايج
بنات انا اعرف ريلي طيب لاابعد الحدود وحجه في البيت مأكول وياما عانيت بس الشكوى لغير الله مذله
ويشهد علي ربي اني اعاملهم صغير وكبير بكل مايرضي الله واحبهم بس هم لا لكن ربكن كريم
وانا الي غاضني شي واحد يعني عمتي ام ريلي موجوده وسمعتهن يوم يغلطن في ولدها جدامي انا والحريم ومارمست
وسمعت بنتها يوم تجولي كل منج انتي السبب من عرستي وحنا في مشاكل وبعد مارمست ولا جالت عيب
بنات الي ابا اعرفه هل انا غلطت عليهن في شي ؟
وانصحوني شو اسوي لاني اعرف انه بعد اليوم الكل مابيرمسني لاصغير ولا كبير وبيتمون يعاملوني معامله خايسه لانها صارت من جبل انصحوني شو اسوي انا ماابا كل شوي اشتكي لريلي روحه الي فيه مكفيه
وطبعا مثل ماذكرت البنات كلهن من هله وبعضهن مايتغشن منه [/SIZE]
الغاليه في ناس يوم يشوفونج طيبه وساكته يتمادون شرات ما سوو في ريلج لانه من البدايه سكت لهم والحين بيحقدون عليج زين وقفتوهم عند حدهم
حياآآآآتي ,,,,
طبيهم عنج و ما عليج من رمستهم اهم شي انتي و ريلج متفاهمين الحمد الله و انتبهي على علاقتج انتي و ريلج
والله يبعد عنكم كل حاااااسد و يرزقكم بالذريه الصالحه
اختج :ام محمد^_
^
تسلمون خواتي ع الردود
عنبو 20 مشاهده وردين بس
تدرين ، مرت بنفس الموقف .. تقريبـا ..
حبيبتي هذا ريلج ، وانتي حرمته ولا تسمحين لأي أحد أنـه يسوي شي يخرب علاقتكن ..
وخل اللي بتقول شي تحسب لكلمتج ورأي ريلج ألف حسـاب ..
الله ايعينج
وربي يرزقج بالذريثه
زين سويتي فيهن … لو كنت مكانج بعطيهن كفففففف
بأدبهن عددددل…. وخص بنت عمته …
ارتفعع ضغطي …