تبين تعرفين ليش خلطاتج ما تنجح على المنطقة الحساسة!!!

وللاسف وايد بنات ما جعد يلتزمون فيها هي شغلات بسيطة وسهلة
نبدأ:::

اولا:
لازم قبل اي خلطة تكون المنطقة نظيفة يعني الشعر يفضل يكون خفيف او شايلته وتغسل المنطقة بالماي وياويلج تستخدمين الصابون لإن يسبب التهابات
استخدمي صابون غار بدل الصابون
انا شخصيا استخدمه

ثانيا:

تأكدي ان العلبة الي حاطه فيها تكون نظيفة ومعقمة

ثالثا:
لاتستخدمين اي خلطة مكوناتها غير طبيعية

رابعا:

الصبر
صبري على الخلطة ولاتحكمين عليها بالنجاح أو الفشل قبل ماتلتزمين فيها وتأكدي من استخدامها حسب الطريقة

خامسا:
ادعي الله ان ينجح الخلطة
( أنت تريد،،،،،وأنا اريد ،،،،،والله يفعل مايريد)

سادسا:
إذا كانت فيج حساسية او التهابات في المنطقة الحساسة عالجيها قبل ما تستعملين اي خلطة يا إما تروحين الطبيب أو تستخدمين الملح الخشن لإن مطهر ومفيد لعلاج الإلتهابات والحساسية

وإلي تبي طريقة استخدامه تقولي وانا اكتبلها ياه

سابعا:
نصيحة لوجه الله لاتستخدمي اولويز

لإن يسبب حساسية والمصيبة( يسبب سواد في المنطقة)
صدقيني انا من بلغت وانا استعمل اولويز
وما كان فيني حساسية ومرة يتني الدورة وشبت فيني حساسية وحكة ورحت الدكتورة وقالتلي ان من اولويز لإن فيه
مادة بلاستيك
ونصحتني بالكوتيكس الي فيه القطن
مثل ليدي سوفت

ثامنا:
إذا حسيتي ان الخلطة تسببلج حكة او حساسية قطعيها ولازم تريحين جسمج من الخلطات فترة على الاقل فترة الدورة الشهرية
ولا تستخدمي اكثر من خلطة بنفس الوقت أو بنفس الاسبوع

ملاحظات:
أولا :أهتمي بنظافة المنطقة بعدم استخدام الصابون العادي واستخدام الملح الخشن على الأقل مرة بالاسبوع

وهو يباع في الجمعيات

ثانيا:
دائما تأكدي من تنشيف نفسك جيدا من الماء بعد الحمام وقبل استخدام اي خلطة على المنطقة
ثالثا:
ايمكنك فقط استخدام صابون خالي من العطور على المنطقة مثل صابون
(((( طهارة))))
يباع بالجمعيات تقريبا مئة وثلاثون فلس فقط
وهو يستخدمه الحجاج لبيت الله لأنه طبيعي وخالي من العطور

رابعا:
لا تحرمي نفسك من تدليع منطقتتك الحساسة باستخدام غسول خاص بهذه المنطقة
مثل ((( كيرفري))) وسعره تقريبا دينار ومئة وسبعون فلس فقط

استخدمي مناديل معطرة خاصة بالمنطقة الحساسة

انا استخدم ((((بيتادين)))
هو للأطفال وسعره تقريبا دينار وثلاتمئة وخمسون
وداخله اثنين وسبعين حبة كلينكس انا خذيت الي بريحة البابونج لإن يقضي على البكتيريا

منقول