السلام عليكم
بنات احنا ان شاء الله بننتقل لبيت ايجار
انا قبل ساكنه بيت عمي والحين اول مره بيكون لي بيت
قبل لا ننتقل شو المفروض اسوي فيه؟
يعني هم اكيد بينظفونه
بس تنصحوني اسير اغسله كامل من اول و يديد قبل لا انودي اغراضنا ولا شو؟
و بعد انا اختي خوفتني تقول البيت توكم بتسكنونه و عادي يكون فيه شي ولا المنطقه يكون فيها شي
يعني تعرفون سوالف الينانوه و هاي الاشيا
وووو المهم
شوفو
انا ماعرف شقا استقبل الناس و اضيفهم
يعني اول مره بيكون عندي ميلس و ريلي بيستقبل ناس وربعه و جه
يعني كيف المفروض ارتب الميلس و شو اقدملهم؟
فديتج مبرووووووووكين ع البيت والله يزيدكم ود وسعادة
وبالفعل هالموضوع محتاج عناية من ربات البيوت والامهات الغالياات والبنات المبدعات
وبعون الله يفيدوونج حبيبتي
في بداية نظفي البيت بروحج أحسن
وتظمنين نظافتها
والأغراض لاتودينهم مرة وحدة علشان توهقين في ترتيب وتوزيع شوفي كل غرفة كيف تبين يكون توزيع الأثاث وعقب حطي فيه
نصيحة أختي شغلي سورة البقرة في البيت داااااايما قبل ما تسكنين
مرحب اختي
قبل لاتسكنين يبوا الشركات اللي تنظف البيت و تغسل الجدران وتلمع الرخام و السيراميك
عندهم خدمات تنظيف بالبخار للارفف و الكبتات ..
بعد التنظيف ,, تبدئ مهمتج انتي
وبدئي على مهل ورتبي شغلج بانتظام ,,
واذا شفتي ان صعبه تضيفين ضيوفج بشغل ايدج او الخدم عندج مايعرفون يطبخون ,,فطلبي من الحريم اللي يطبخون في البيت ,, او اشتري من المطاعم
واحتفظي دوم بالنواشف والمسكرات و بالبسكويتات المنوعه من المحامص
و دائما رتبي صينية الفواكة و الشاي و القهوة و المكسراتوالباتشي تكون جاهزة لاي طارئ
في بداية نقلكم لازم فوالتج دايما تكون جاهزة .. لو هالشئ يبى جهد في البداية بس عقب بترتاحين أن شاء الله .. خلي صينية بتيفور وباتشي دايما جاهزين للتقديم .. واتفقي مع محل عصاير تكون خدمته ممتازة .. القهوة والشاي كل صبح وعصر .. أدري عند الوحده شغلات تبى تسويها في بيتها أول ماتسكن بس في البداية تفرغي للضيوف اللي ايون يباركون وعقب لاحقه عتعدييل .. وأتمنى لج التوفيق ونسيت أقولج دايما خلي ريحة البيت حللللوة ..
موضوع مهم لازم انتابعة انا بعدنى فى بيت عمى اتريا يخلص بيتى ان شاء الله