بنتي ما تحبي لين الحين

السلام عليكم…
بنتي كملت 11 شهر ولين الحين ما تحبي ولا توقف ولا تزحف….
وايد احاتيها….
ما اعرف شو اسوي معاها؟؟

عادي حبيبتي لا تحاتين ، انتي حاولي تسوين لها رياضة عن طريق تحريك رجليها ، وحطيها في وضعية الحبو وارفعي بطنها أو حطي تحت بطنها مخدة
أنا ولدي كان عمره سنة ووديته الدكتور وسوا له أشعة وقال فيه كساح اتخيلي كساح وما اهتميت بكلامه والحين ولدي عمره 8 سنوات ما شاء الله حركي ومول ما يقعد، في يهال ينمون بسرعة وفي يهال يقعدون فترة لين ما يحبون ويمشون ، عادي تشوفين بنتج فجأة تحبي وعادي تمشي بدون ما تحبي انتي ما عليج غير إنج تتوكلين على رب العالمين وتفوضين أمرج له.

ما عليها شر بتج ان شاء الله

^^

انتي مسكيها من ايدها وحاولي تمشينها .. وﻻ تحطينها فالمشاية حطيها ع طرف الكنبة وﻻ الكرفاية عسب تحاول توقف ﻷنه بعضهم ما يحبون يمشون على طول .. أنا الدكتور قال لي أحط بنتي ساعتين فاليوم ماكسمام .. بس بنتي تأخرت ﻷنه كان عندها نقص فيتامين D سويلها فحص بعد عسب تطمنين ..
هي سننت وﻻ بعدها ؟
اذا سننت معناته الفيتامين ان شاء الله اوكي .. والمشي عادي وايد يهال يتأخرون لين سنه و3 شهور عادي وعلى حسب الياهل يمكن بعضهم يطولون .. ودام الدكتور قال لج سويلها تمارين اتبعي نصيحته .. والله يحفظها ويبارك فيها .. ﻻ تستعيلين بتمشي ان شاء الله وبتخبل فيج

خواتي (انا وحبيبي) و(ساااندي) و (الغلا)

وجزاكم الله الف خير…..

المفرووض من كان عمرهااا شهرين ومافوق كنتي تسوين لها زيت ودلكينهاا دووووم وتحاولين توقفينهااا وجي الريوول بتستقووا ماعليج الحين ابدي دلكي ريولهااا كل يوم وحركيه صدقيني بتمشي بسرعه انا جي اسوي حق عيالي ٩شهور ويمشون وحطيها بالعربه وحاولي تحركين العربه وان شاء الله بتشوفينها تمشي قريب